মণিপুরী ইয়ুথ ফোরাম, বাংলাদেশকী চহী অনিগী থৌপুগদবশিং খনখ্রে
সিলেট, নভেম্বর ১১ : মণিপুরী ইয়ুথ ফোরাম (এম. ৱাই. এফ) বাংলাদেশকী চহী ২ গী ওইবা থৌ পুগদবা এক্সিকিউটিব কমিটিগী থৌবুরোইশিং ইলেকশনগী খূৎথাংদা খনবগী থৌরম অমা, ঙরাং ইরাং নুমিৎ (১০ নভেম্বর) অয়ুক পুং ১১ দগী নুমিৎয়ুংবা পুং ২ ফাওবা মৌলভীবাজার দিস্ট্রিক্টকী কমলগঞ্জ উপজেলা মনুংচনবা আদমপুর দা লৈবা মণিপুরী কালচারাল কমপ্লেক্সতা পাঙথোকখি হায়না ফোরামগী চেরোল অমনা খংহনলকখি।
মীখল অদুদা প্রেসিদেন্ট ওইনা হিজম সুশীল অমসুং জেনারেল সেক্রেটারী ওইনা ঙাংবম দ্বীজেন্দ্র সিংহ'বু ফোরামগী মেম্বারশিংনা খনগৎখ্রে হায়রি। হায়রিবা মীখল অদুদা চীফ ইলেকশন কমিশনার ওইনা ছোট ধামাই গভ: হাই স্কুলগী হেড টিচার ওজা অহৈবম রনজিৎ সিংহ, ইলেকশন কমিশনগী মেম্বার সেক্রেটারী ওইনা মণিপুরী কালচারাল কমপ্লেক্সকী প্রেসিডেন্ট জয়ন্ত কুমার সিংহ অমসুং ছনগাঁও (হামােমখুল)
গভ: প্রাইমারি স্কুলগী হেড টিচার ওজা কুঞ্জরানী সিনহানা ওইখি। অমরোমদা ওজা হাওবম সুধীর সিংহ অমসুং ওজা কন্থৌজম শিল্পীনা ইলেকশনগী প্রিসাইডিং অফিসার অমসুং পোলিং অফিসারগী থৌ পুবিখি।
লাক্লিবা চহি অনিগী ওইনা থৌ পুবিগদবা প্রেসিডেন্ট হিজম সুশীল অমসুং সেক্রেটারী ফমদা ঙাংবম দ্বিজেন্দ্র সিংহ চহী অনিগী মপুং ফাব কমিটি অমা শেম শাগৎপা অমসুং লূপ অসিবু মাঙজিংদুনা ময়ামগী য়াইফনবা থবক চৎথগনি হায়দুনা খংহল্লকখি হায়রি।
0 কমেন্ট:
কমেন্ট তৌবিয়ু