• 288
• ২৭শে মে ২০২৩ ইং
• Share on:

মঙ ফাওবা ঙমদ্রবা মণিপুরী গেষ্ট হাউস

আগরতলা, মে ২৬ : চহী কয়া মমাংদগী ত্রিপুরা অমসুং মণিপুর লৈঙাক্তগী চীন্থাং ওইনা থাজবা কয়া পীবা লৈরবসু ঙসি ফাওবদা ত্রিপুরাদা মণিপুর ভবন নত্রগা মণিপুরী গেষ্ট হাউস অমা মঙ ফাওহনবা ঙমদনা লৈরে। ওক্রম ইবোবীগী মতমদসু হৌজিক্কী এন বীরেনগী মতমদসু লৈঙাক্না মীরাইবিদুনা থম্বীরে। মণিপুর লৈঙাক্না ত্রিপুরাদা শেলগী তেংবাং খরা পীবা নত্তনা ঙসি ফাওবদা মণিপুরীশিংগীদমক করিসু তৌবিবা ঙমদ্রি হায়বসি ময়েক শেংলে।

অসুম্না ত্রিপুরা লৈঙাক্না লুপা কোটি কয়া কায়থোক্লবসু ঙসি ফাওবা রিয়াং ফুরুপকী গেষ্ট হাউসসু শাবিদবগী পেন্দবা লৈরে। আগরতলা চানমারী হায়বা মফমদা রিয়াং ফুরুপকী দমক গেষ্ট হাউস শানবগী দমক লৈঙাক্কী পিজিটি লোয়শঙগী মন্ত্রী ওইরম্বা মেবার কুমার জামাতিয়ানা লুপা কোটি অমা মখায় কায়থোকপীরম্মী। রেষ্ট হাউস অসিগী উরেপ উয়ুংসু তমখি। অদুবু ঙসি ফাওবা রেষ্ট হাউস শাবা ঙমদ্রি।

সোর্স: মরূপ