বিদ্যাসাগরনা অনীরকশুবা ওইনা ‘গিনিস ৱার্ল্ড রেকোর্দ’ এতেম্প তৌখ্রে
ইম্ফাল, জানুয়ারি ৩০ : খূৎশা মরিনা মিনিত অমদা ‘পুশঅপ’ মশীং ৮৫ রক তৌবা ঙমদুনা ইং ২০২০ গী দিসেম্বর থাদা ‘গিনিস ৱার্ল্ড রেকোর্দ’ চনবা ঙমখ্রবা বিদ্যাসাগরনা ঙসি খোঙ নাম্মা থাঙ্গৎলগা খুবী অনীগী মতেঙনা মিনিত অমদা পুশঅপ মশীং ৫৯ রক ইন্দুনা গিনিস ৱার্ল্ড রের্কোড থম্নবা এতেম্প তৌখ্রে।
লাইথাংবম বিদ্যাসাগর বিষ্ণুপুর দিস্ত্রিক্তকী মনুংচনবা উৎলৌ মখা লৈকায়দগীনি। অপোকপগী মিংনা ব্রোজেন্দ্রো কৌই। য়ুথস স্পোর্তস এন্দ ওয়েলফেয়ার এসোসিয়েসন্না শীন্দুনা লাইথাংবম বিদ্যাসাগরনা গিনিস ৱার্ল্ড রেকোর্দ চন্নবা হোৎনবা অসিদা এদজুকেসন মিনিস্তর তিঐচ বসন্ত কুমার সিংহ অমদি ইন্তেলেকচুয়েল সেনিয়র সিতিজেন নম্বোল কেন্দ্র অচৌবা থৌনা হাপখি।
বিদ্যাসাগরনা পাউমীশিংদা হায়, ঐহাক্কী ‘পুশঅপ’ কী কোচ য়াম্বেম গোবিন কৌই। ঈরৈবাক ঈরমদমগী মিংচৎ পুরক্নবা ঐহাক্না মশানা অসিদা অঙম্বা থাক্তা হোৎনখিগনি। হৌজিক মণিপুরদা থোক্লিবা ঈরাং অসি অথুবা মতমদা লোইশিন্দুনা হান্নগুম নুংশিং-চান্ননা লৈমিন্ননবা গবর্নমেন্ত অমদি মরী লৈনবশিংনা শিনবীয়ু।
সোর্স: পোক্নফম
0 কমেন্ট:
কমেন্ট তৌবিয়ু