বামসাস’না মহাকবি অঙাংহলগী ১৩০ শুবা মপোক কুমওন পাঙথোকখ্রে
সিলেট, ২৮ জুলাই : বাংলাদেশ মণিপুরী সাহিত্য সংসদ (বামসাস) না শিলাংদুনা মহাকবি হিজম অঙাংহলগী ১৩০ শুবা মপোক কুমওন ‘অঙাংহল নুমিৎ’ নিংশিং থৌরম অমা য়াম্ন চম্না পাঙথোকখি। লাইপোক অমাগুম ওইরবা মৈতৈ ঐখোয়গী চাউথোকচরিবা মহাকবি অঙাংহলগী শক্তমদা ময়াম্না লৈ কৎতুনা ইকায়খুম্নবা উৎপগা লোয়ননা বামসাসকী প্রেসিডেন্ট এ. কে শেরাম না থৌরম মপু অমসুং বামসাসকী জেনারেল সেক্রেটারি নামব্রম শংকরনা কনডাক্ট তৌবিখিবা থৌরম অদু হৌদোকখি।
মথংদা অইবা এ কে শেরামনা মহাকবিগী পুন্সি অমসুং সাহিত্যকর্মগী য়াম্ন কুপ্না নৈনবিখি। লোয়ননা অইবা এ কে শেরামনা ইবা মহাকবিদা খুদোলবা শৈরেং অমসু পাঙথোকপিখি অইবী রওশন আরা বাঁশি খুৎহৈবম, অইবী কৈনাহন দেবী অমসুং অইবী পি. মিনতি দেবী না।
থৌরম অসিদা অতৈসু শরুক য়াদুনা মহাকবিবু নিংশিংবা ৱা ঙাংবিখি বামসাসকী ভাইস প্রেসিডেন্ট এল. প্রশান্ত কুমার সিংহ, অথৌবা নীংতম লান্মী মাইমোন মনমোহন সিংহ, সোসল এক্টিভিস্ট মোইরাংথেম খির সিংহ, কেএইচ সমেন্দ্র সিংহ, নীহার রঞ্জন শর্ম্মা অমসুং অকোইজম উপেন।
0 কমেন্ট:
কমেন্ট তৌবিয়ু