আপডেট:
image

বাংলাদেশতা মণিপুরদগী এম বি বি এস তম্লিবা মহৈরোয়শিং ওকখ্রে 


ইম্ফাল, জুন ২৪ : বাংলাদেশতা খুন্দারিবা মৈতৈশিংনা বাংলাদেশ লৈবাক্তা মণিপুরদগী লাক্তুনা মহৈ-মশিন তম্লিবা মহৈরোয়শিংগা হেন্না নক্নবা মরী শাগৎমিন্নদুনা ঈ মরীগী ইচিল-ইনাওশিং নুংশিনবা পুরক্নবা থবক লেপ্তনা চত্থরকপগী শরুক অমা ওইনা মণিপুরদগী বাংলাদেশকী বগুড়াদা লৈবা টি এম এস এস মেদিকেল কোলেজদা এম বি বি এস ফার্ষ্ট ইয়ার ফাইনেল থাখ্রবা মহৈরোয় মরিবু বাংলাদেশকী সক্সেন গাইদেন্সকী প্রোপ্রাইটর খোইরোম প্রশান্ত অমসুং বিশগাও মণিপুরী ক্লাব (বি এম সী) কী জেনরেল সেক্রেটারি সোসল ৱার্কর সোরইজম উৎপলনা হরাও তয়াম্না ওকখ্রে। 
 

বাংলাদেশতা মণিপুরী মৈতৈশিংনা অহানবা খুন্দাখিবনি হায়না লৌনরিবা বিশগাওগী অরিবা ক্লাব অমা ওইরিব বিশগাও ক্লাবকী জেনারেল সেক্রেটারি সোরাইজম উৎপলনা ফোঙদোরকপা, ঙসি বগুড়াদা মহৈ তম্লিবা ইচলশিংনা লাকপদা মখোয়বু ঐখোয়না ওকপা ঙমখিবসি ঐখোয়গী লাইবক ফবনি। 
 

হন্দক্কী অসিনা মসিগুম্বা থৌরম পাঙথোকপসি অহুম্লকশুবা ওইরে। লোয়ননা ইমা লৈবাক মণিপুরদা তংদু লৈতাবা হঞ্জিল্লক্নবগীদমক তাইবং মপুদা থৌনিজরি হায়রি। থৌরমদুদা মিনিষ্ট্রি ওফ ইন্ডাষ্ট্রিগী এডিশনেল সেক্রেটরি ওইরিবা টি পরিমল, সোসল এক্টিভিষ্ট এল ইবুংঙহাল, হামোম দিলিপ, নোংমাইথেম দিলিপ, ওজা রাজকুমার, মৈতৈ সুচোনা, ডা. সেতু, হাওবম তোনি, কৈশাম কাজলনচিংবনা শরুক য়াখি। 


সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: