আপডেট:
image

পরশুরাম থিংনামদা সাহিত্য একাদেমী য়ুব পুরস্কার ২০২৩ লান্থোকখ্রে

ইম্ফাল, জানুয়ারি ১৩ : সাহিত্য একাদেমি, নিউ দিল্লীনা শক খঙলবা ইন্দিয়াগী তোঙান-তোঙানবা লোল ২৪ গী অইবা-অইবীশিংদা পীবা সাহিত্য একাদেমী য়ুব পুরস্কার ২০২৩ ঙসি লান্থোকখ্রে।

ঙসি নুংথিল পূং ৫ তাবা মতমদা কোলকতাগী রবীন্দ্র সদন ওদিতোরিয়ামদা পাঙথোকখিবা মনা লান্থোকপগী থৌরম অদুদা মণিপুরগী নহা ওইরিবা অইবা পরশুরাম থিংনামদা সাহিত্য একাদেমী, নিউ দিল্লীগী প্রেসিদেন্ত মাধব কৌশিকনা সাহিত্য একাদেমি য়ুব পুরস্কার ২০২৩ লান্থোকখি। মণিপুরী লোনগীদমক পরশুরাম থিংনামগী শৈরেং লাইরিক ‘মতমগী শৈরেং ৩৭’ হায়বসিদা মনা অসি পীননবা সাহিত্য একাদেমী, নিউ দিল্লীনা খনখিবনি।

ইং ২০২৩ গী ওইনা মণিপুরী লোলগীদমক য়ুব পুরস্কার ফংলবা অইবা পরশুরাম থিংনাম ইং ১৯৮৯ দা ককচীং দিস্ত্রীক্তকী মনুং চনবা ককচীং খুনৌদা পোকখি। হৌজিক ফাওবদা শৈরেংগী লাইরিক ৩ মথংশীৎনা ‘মীগী মচু’ (২০০৭), ‘ঐ অমসুং ঐগী ইমা’ (২০১১) অমদি ‘মতমগী শৈরেং ৩৭’ (২০১৮) ফোঙখ্রে।
অইবা অসিগী ‘ঐ অমসুং ঐগী ইমা’ দা পেত্রিওতিক রাইটার্স ফোরাম, মণিপুরনা পীবা ‘অরাম্বম ইবুংঙোহল অমসুং বিনোদকুমারী লিতরেরি এৱার্দ ২০১২, কলচরেল ফোরম মণিপুরনা পীবা ‘লাইরেনলাকপম ধরম্বীর 
লিতরেরি এৱার্দ (য়ং ক্রিয়েটিব রাইতর) ২০১৪ অমসুং নহারোল সাহিত্য প্রেমি সমিতি, ইম্ফালনা পীবা ‘থোকচম যোগেন্দ্র নীংশিং শেলগী মনা ২০১৪ ফংখ্রে।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: