আপডেট:
image

নিংথৌ বোধচন্দ্রগী তরুকশুবা রানি খেদারানি লৈখিদ্রে

ইম্ফাল, জুন ০৫ : মণিপুরগী নিংথৌ বোধচন্দ্রগী তরুকশুবা রানি (লৈমরেম্বী) এলাংবম খেদারানি ঙরাং জুন ৪ গী অয়ুক পুং ৪.৪১ দা পেলেস কম্পাউন্দ থাঙ্গপাৎ মপান্দা লৈবা ময়ুমদা মশাগী অনাবা অমনা মরম ওইদুনা লৈখিদ্রে।
খেদারানি (এলাংবী) গী লৈখিদ্রবা হকচাং রোয়েল ফেমেলিগী পোৎলোইফম, পেলেস কম্পাউন্দ মহাবলিদা অয়ুক্কী পুং ৯ দগী ১.৩০ ফাওবদ পোৎলোইখি। নিংথৌরোলগী চৎনবীগী মতুং ইন্না কৈরেল কৈজাওদা হাপ্তুনা গন সেলুট পীদুনা ইকায়খুম্নবা উৎখি।

খেদারানি মশাগী চহী ৯০ শুখ্রে, য়োকচবী মচানুপা এলাংবম প্রিয়োবর্ত্তা অমসুং লোয়নবী এলাংবম ওংবী সঙ্গিতা অমদি মশুনুপী অনী লৈহৌরি। খেদারানি অঙাং ওইরিঙৈদা লোনবা খোৎপদা ওজা কয়াদগী তমজদুনা হৈখিবা কয়াদুনা অরোন ফিশিং ইন্দিয়াগী মফম কয়াদা এগজিবিসন অমদি ফেষ্টিবেল কয়াদা উৎতুনা মহারানি, মিংথোল তুংওইনরগা মণিপুরগী হেন্দলুম অমদি হেন্দিক্রাফ্ট চাওখৎনবা অমদি পূক্নিং থৌগৎলম্বা রানি অমা ওইখি।

মসিদসু নত্তনা, মণিপুরী সাহিত্য পরিষদ ইম্ফালদা খেদারানিগী ইমুং-মনুংনা কৎচবা মনা, খেদারানি (এলাংবী) সাহিত্য মনা, শেল ওইনা ১০,০০০ য়াওবা মনা লান্থোক্তুনা পীবা হৌখ্রে। খেদারানিনা লিটরেচর অমসুং নাৎ, চৎন-লোনচৎ কয়াবু য়োকখৎপা পামজবা অমা ওইনা মনা অসি খুদোল তৌরমখিবনি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: