ত্রিপুরাদা লাংবন হৈশোই তম্বগী থৌরম পাঙথোকখ্রে
ইম্ফাল, সেপ্তেম্বর ২৫ : পেত্রিওটিক রাইটার্স ফোরাম (পি এ দব্লিয়ু এফ), মণিপুর, ত্রিপুরা ব্রাঞ্চ, মরূপ পাউচে অমদি লময়ানবা সংস্থানা পুন্না খুৎশম্নরগা ঙসি ত্রিপুরাগী এ এ রোডতা লৈবা ইপুথৌ পাখঙবগী খুভমদা হৌজিক মণিপুরদা থোক্লিবা লাল অসি লোইশিন্নবা থৌনিজবগা লোয়ননা শঙলেন অসিগী মমাংদা লৈরিবা ইকোন (পুখ্রি) দা লাংবন হৈশোই তম্বগী থৌরম পাঙথোকখ্রে।
থৌরম অদুদা ফোরামগী প্রেসিদেন্দ নাওরোইবম খম্বা লুৱাং, ফোরাম প্রেসিদেন্ট ডা. য়াইস্কুল খ্বাইরাকপম, ফাউন্দর সেক্রেটরী ও সি মৈরা, সেক্রেটারী রাকেশ নাওরেম, একজিক্যুটিভ মেম্বার লাইমুজম প্রতাপ সিংহ, ত্রিপুরা ব্রাঞ্চকী এডভঅইজর নিঙোম্বম প্রনয়, মরূপ পাউচেগী জোইন্ট এডিটর আর কে তরুণজিৎ অমদি লময়ানবা সংস্থাগী সেক্রেটরী ডা. ক্ষেত্রিময়ুম মাধবীনাচিংবা শক্নাইরবা মীওই কয়ানা শরুক য়াখি।
লাংবন হৈশোই তম্বগী থৌরম অদুগী নুংগী ওইবা ৱারোল থম্লদুনা ফোরামগী সেক্রেটারী রাকেশ নাওরেমনা ফোঙদোকখিবদা, লাইওইখ্রবা ইপা ইপুশিং অমদি অইবা অইবীশিংগী মফমদা ফোরাম্না লেপ্তনা চত্থরকপা থৌরমগী শরুক অমা ওইনা ঙসিগী থৌরম অসি পাঙথোকপনি।
অসিগুম্বা থৌরম অসি পাঙথোকপনা হৌজিক্কী মীরোল অসিনা হৌখ্রবা ইপা ইপুশিং অদুদা উৎপা ইকায়খুম্নবা অমনি।
থৌরম অদুদা শরুক য়ারদুনা মরূপ পাউচে গী জোইন্ট এডিটর আর কে তরুনজিৎ ফোঙদোকখিবদা, ত্রিপুরাদা তর্পন কৎপগী থৌরম মমাংদগী অদুম্মক পাঙথোক্তুনা লাক্লি। অদুবু ইপুথৌ পাখঙবগী খুভম মমাংদা লৈরিবা পুখ্রি অসিদা পাঙথোকপদি ঙসিগী অসিনা ইহান হানবনি। শেংলবা পুখ্রি অসিদা অসুম্না তর্পন কৎপদা শরুক য়াবা ফঙজবসিমক নুংঙাইবা ফাওই।
ফোরামগী ফাউন্দর সেক্রেটারী ও সি মৈরানা ফোঙদোকখিবদা, লাইওইখ্রবা অইবা অইবীশিংবু নীংশিংলদুনা লাংবন হৈশোই তম্বগী থৌরম পাঙথোকপসি পেত্রিওটিক রাইটার্স মণিপুরগী ওইনদি য়াম্না মরু ওইবা থৌরম অমনি।
ফোরামগী প্রেসিদন্টে নাওরোইবম খম্বা লুৱাং অমদি ফোরামগী ফোর্মর প্রেসিদেন্ট ডা. য়াইস্কুল খ্বাইরাকপমনা লাংবন থানা লাকপদা লাংবন হৈশোই তম্বনা পীরিবা ৱাহন্থোকশিংগী মতাংদা মরিক চুম্না ফোঙদোকখি হায়রি।
সোর্স: পাউনিলখোন নিউজ সার্ভিস
0 কমেন্ট:
কমেন্ট তৌবিয়ু