জয়জীৎনা মিস্তর এসিয়া কন্তেস্ততা সিলভার লৌরে, অর্নোল্ড অমসুং সনাথোইনা ৪ শুবা তারে
ইম্ফাল, আগস্ত ১১ : ইন্দোনেসিয়াগী বতম সিতিদা পাঙথোকপা ৫৬ শুবা এসিয়ান বোদি বিল্ডিং এন্দ ফিজিক স্পোর্তস চেম্পিয়নশিপ ২০২৪ দা ইন্দিয়াগী মহুৎ শিন্দুনা কম্পিত তৌখিবা মণিপুরগী জয়জীৎ ৱাইখোম্না মেন্স এথলেতিক ফিজিক্তা সিলভর মেদল লৌখ্রে। ওল মণিপুর বোদি বিল্ডর্স এসোসিয়েসনগী পাউনা হায়, ঙসি লোইশিনখিবা এসিয়ান চেম্পিয়নশিপ অদুদা জয়জীৎ ৱাইখোম্না মেন্স এথলেতিক ফিজিক অপতু সেন্তিমিতর ১৬৭ গী কাংলূপ্তা অনীশুবা মফম কন্দুনা সিলভর মেদল লৌখি।
মহাক্কী কাংলূপ অদুগী গোল্ডনা ভিয়েতনামগী ক্রওং কুওক লোংনা লৌখি, অদুগা মহাক্কী লৈবাক্কী লে ভান ভিএতনা অহুমশুবা মফম কন্দুনা সিলভর মেদল লৌখি। মালেসিয়াগী অফলিসাহয়িয অলি অমসুং সয়েদ ফাইজাল বিন সয়েদ অলিনা মথংশিৎনা মরিশুবা অমসুং মঙাশুবা মফমশিং কন্নখি হায়রি।
ইন্দিয়াগী রিপ্রেজেন্ত তৌদুনা সিনিয়র মেন্স বোদি বিল্ডিংগী কেজি ৮০ গী কম্পিত তৌখিবা মণিপুরগী কে অর্নোল্ডনা মরিশুবা মফম কনখি, অদুগা আর কে সনাথোইনা মেন্স ফিতনেস ফিজিক্কী সেন্তিমিতর ১৭০ ফাওবগী কাংলূপ্তা মরি শুবা মফম কনখি। এসিয়ান চেম্পিয়নশিপ অদুদা মণিপুরগী থোকচোম য়াইসননা জুনিয়র মেন্স বোদি বিল্ডিংগী কেজি ৭৫ গীকাংলূপ্তা অহানবা মফম কন্দুনা মহাক্কী জুনিয়র মিস্তর এসিয়া তাইতল লৌবা ঙমখি, অদুগা মণিপুরগী কে রিশিকান্তনা ওয়েত কাংলূপ অদুদা সিলভা মেদল ফংখিবনি।
মরকসিদা, মেন্স এথলেতিক ফিজিক্কী সেন্তিমিতর ১৬৭ ফাওবগী কাংলূপকী সিলভার মেদিলিস্ত জয়জিৎ ৱাইখোম্না সোসিয়েল মিদিয়াগী খূত্থাংদা মহাক্না এসিয়ান চেম্পিয়নশিপ অসিদা শরুক য়ানবা হোৎনবদা মতেঙ পীবিখিবা অমসুং থৌনা হাপ্পীখিবা মীয়াম্বু থাগৎপা ফোঙদোরক্লি।
রোয়ল জিন্মাসিয়াম নিঙোমথোং ইম্ফাল ইস্তকী ইনস্ত্রক্তর অমসুং শান্নরোয়শিংনা জিম্নাসিয়াম অসিগী শান্নরোয় থোকচোম য়াইসনা মৈতৈনা কেজি ৭৫ গী জুনিয়র মেন্সকী বোদি বিল্ডিংদা জুনিয়র মিস্তর ইন্দিয়া তাইতল লৌদুনা অমসুং জয়জীৎ ৱাইখোম্না মেন্স এথলেতিক ফিজিক্কী সেন্তিমিতর ১৬৭ ফাওবগী কাংলূপ্তা সিলভর মেদল লৌদুনা লৈবাক্কী অমসুং স্তেতকী মিংচৎ তানবা ঙমখিবদা নুংঙাইবা অমসুং থাগৎপা ফোঙদোরক্লি। মখোয়না তুংদা হোৎনরকপশিংদা হেন্না চাউনা মায় পাকপা ঙম্বা ওইরসনু হায়নসু য়াইফ মঙ্গল পীরক্লি।
সোর্স: পোক্নফম
0 কমেন্ট:
কমেন্ট তৌবিয়ু