• 313
• ৪ঠা জানুয়ারী ২০২৪ ইং
• Share on:

খাইদেম প্রমোদিনীগী ১০০ শুবা মপোক নুমিৎ হৌদোকখ্রে

ইম্ফাল, জানুয়ারি ৩ : লৈকোল (লৈমরোল খোর্জৈকোল), মণিপুরনা শীন্দুনা চহী অমা চূপ্না থা খুদীং গী পাঙথোক্কদবা লময়ানবা অইবী খাইদেম প্রমোদিনীগী ১০০ শুবা মপোক নুমিৎ হৌদোকপগী থৌরম ঙসি য়াইস্কুল পুলিস লেন্দদা লৈবা এম দি য়ু হোলদা হৌদৈাকখ্রে।

থৌরম অদুদা মণিপুর লেংগ্বেজ এদভাইজরি বোর্দ, সাহিত্য একাদেমীগী কনভেনর প্রোঃ রাজেন তোইজাম্বনা চীফ গেস্ত, লৈকোলগী প্রেসিদেন্ত কে এস ঐচ সুবদনীনা প্রেসিদেন্ত দিপার্তমেন্ত ওব আর্ত এন্দ কালচারগী দিপুতি দিরেক্তর (প্রোগ্রাম), গুরুময়ূম ধরমদাস শর্ম্মা অমসুং য়ুনিভার্সিতি ওব কালচারগী বোর্দ মেম্বার ৱাংখৈরাকপম চন্দ্রসখিনা গেস্ত ওব ওনর শরুক য়াখি। মণিপুর য়ুনিভার্সিতিগী স্কুল ওব হ্যুমেনিতিজ গী দিন ওইরম্বা প্রোঃ নহাকপম অরুনানা ৱাঙাঙলোয় ওইনা শরুক য়াখি।

থৌরম অদুদা প্রোঃ রাজেন তোইজাম্বনা হায়, লময়ানবা অইবী খাইদেম প্রমোদিনী অসি মণিপুরী সাহিত্যগী লমদা য়াম্না অচৌবা থৌদাং লৌবিরম্বা মী অমনি। মহাক অসি মণিপুরী সাহিত্য, কলা, থিয়েতার, ফিল্মবু চাওখৎনবনা হোৎনবিরম্বা লৈবাক অসিগী লন অমশুনি। মণিপুরগী কালচার, সাহিত্য, মণিপুরী ফিল্ম, দ্রামা, থিয়েতারগী লমদা প্রমোদিনীগী মফম য়াম্না চাওনা কন্দুনা লৈ। তশেংনা মহাক মায়থোং য়াম্না য়াম্বী অইবী অমনি। মহাক্না ফিল্ম অমসুং তোঙান-তোঙানবা লাইরিক কয়া ইবিরম্মী। মহাক অিসি মণিপুরী সাহিত্যগী অনৌবা যুগকী নুপী অহুমগী মনুংদা অমনি। মরম অসিনা মনিপুরী সাহিত্যগী লমদা মহাক্না তৌবিরম্বা থবকশিং অসি মহাক্কী মপোক নুমিৎ অসিদা শীংথাদুনা থৌরম অসি পাঙথোকপনি হায়না ফোঙদোকখি।
সোর্স: পোক্নফম