কুকিশিংনা লান লেপত্রবদি মণিপুরগী মপান্দা চোইনা খুন্দারিবা মণিপুরীশিংনা কুকি-জোশিংগী মথক্তা অকনবা মীয়েং চঙলক্কনি : মাইফা
ইম্ফাল, সেপ্টেম্বর ২৮ : অথুবা মতমদা কুকিশিংনা লান লেপকদবনি। নত্রবদি মণিপুরগী মপান্দা চোইনা খুন্দারিবা মণিপুরীশিংনসু কুকি- জোশিংগী মথক্তা অকনবা মীৎয়েং থম্লগনি হায়না মণিপুরী য়ুথ ফ্রন্ট ওফ অসাম (মাইফা) না থাদোরকপা চেরোল অমনা হায়রি।
মাইফাগী সেক্রেটারি জেনারেল তম্পাকময়ুম সলাউদিননা থাদোরকপা চেরোল অমনা হায়, মাইফানা মহৈরোয় লিন্থোইঙম্বী অমদি হেমঞ্জিৎকী মীহাৎ অকনবা মওংদা য়ানিংদে। মে ৩ দগী হৌজিক ফাওবা মণিপুরদা কুকিশিংনা লান্দারকপা অসি হৌজিকসু লেপ্পা লৈত্রি। মসিগী মনুং চন্না জুলাই ৬ তা মহৈরোয় লিন্থোইঙম্বী অমদি হেমঞ্জিৎপু কুকি নার্কো টেরোরিষ্টশিংনা তমথীনা ওৎলবা মতুং হাৎখিবগী থৌওং থম্মোয় শোক্না নুংঙাইতে। কুকিশিংনা মণিপুরদী তোখায়বা হোমলেন্দ অমা তাল্লিবা অসি মঙদা ফাওবা মঙবিগনু। মরাল লৈজদ্রবা মীচম কয়াদা তমথীনা মীওৎ-মীনৈ তৌরবা মতুং হাৎতোকপীবা অমদি ইন্দিয়াগী সেক্যুরিটি ফোর্সশিংনা চত্থরিবা থৌওং মাইফানা অকনবা মওংদা কন্দেম তৌই হায়না চেরোল অসিনা হায়রি। চেরোল অসিনা মখা তানা হায়, মিজোরাম লৈঙাক্না কুকিশিংদা ফোংনা মতেং পাংলিবা অসি অথুবা মতমদা লেপকদবনি। নত্রবদি ঐখোয়সু মখল মখা কয়াগী খোঙজং মিজোরামগী মায়োক্তা চঙশিল্লক্কনি । লোয়ননা মণিপুর লৈঙাক অমদি ইন্দিয়া গভর্নমেন্টনা থোক্লিবা কাঙলুপকী ঈরাং অসি অথুবা মতমদা লোইশিন্নবা হোৎনবীয়ু। অমদি মহৈরোয় অনীগী মীহাত্তা চেন্নরিবা কুকি টেরোরিষ্টশিংবু অথুবা মতমদা ফাদুনা শিবগী চৈরাক পীগদবনি।
মে ৩ দগী ঙসি ফাওবা জিরি ইম্ফাল লম্বীদা - পেসেঞ্জার গাড়ীদা মীতৈ অমত্তা চৎথোক-চৎশিন য়াদ্রিবা অসিসু মণিপুর লৈঙাক্না মীয়েং চঙদুনা মীতৈশিং নেসনেল হায়রে ৩৭ তা চথোক-চৎশিন য়াহন্নবা হোৎনবীয় হায়নসু মাইফানা লৈঙাক্কী পুক্নিং চিংশিল্লকখি।
সোর্স: পান্দম
0 কমেন্ট:
কমেন্ট তৌবিয়ু