ঐখোয়না পুনশিনবা ঙমদ্রিবসি ঐখোয় পুল্লসি হায়না থোরক্লিবা মচা মচা লুপ কয়া অমা লৈবদগীনি- ধনবীর লাইশ্রম
আগরতলা, জানুয়ারী ১১: মণিপুরী য়ুথ ফ্রন্ট অব আসাম (মাইফা) অমসুং নর্থ ইষ্ট ডায়লোগ ফোরাম অনীনা শীল্লাংদুনা ‘ৱান ডে কনসাল্টেশন অন ক্রাইসিস ইন মণিপুর; ইটস চ্যালেঞ্জেস এ্যন্ড প্রোটেকশন অব হিউমেন রাইটস এ ফলো আপ অন ব্রহ্মপুত্র ডিক্লারেশন” হায়বসিদা খন্ন নৈনবগী থৌরম অমা চৎখিবা জানুয়ারি তাং ৮, কাছাড় ডিষ্ট্রিক্ট বি. আর. আম্বেদকর হোলদা পাঙথোকখ্রে।
থৌরমদুদা মণিপুরগী সোসেল সাইন্টিষ্ট ধনবীর লাইশ্রম, নর্থ ইষ্ট ডায়লোগ ফোরামগী ইউ নবকিশোর, ত্রিপুরা মণিপুরী ষ্টুডেন্ট - য়ুথ কোঅর্ডিনেশন কমিটিগী কে ধীরেন, আসাম ইন্ডিজিনাস পিপলস প্রোটেক্ট কমিটিগী প্রেসিডেন্ট সহদেব রাজবংশী, কার্বি ষ্টুডেন্টস এসোসিয়েশনগী এক্স, প্রেসিডেন্ট থাংসিং তিমুং, মণিপুরী কনবা লূপ’কী চেয়ারম্যান আরকে সনাহল, সোসেল ৱার্কার তম্পাক ময়ুম কামলুদ্দিন, ভেটরেন মৈরা পায়বী অব বরাক ভেলীগী থাংজম সনাথোই অমদি সোসেল ৱার্কার কৈসাম বিদ্যাপতি নচিংবা শক্নাইরবা মীওই কয়া থৌরমদা শরুক য়াখি।
থৌরম অদুদা মাইফাগী এডভাইজর সেরাম হেরাজিৎনা মণিপুরদা থোক্লিবা ঙসি ফুরূপ অনীগী ঈরাং অসিনা মরম ওইরগা মরু ওইনা হিউমেন রাইটস ভাইয়োলেশনশিং অসি করম্না শংদাইনবা য়াগদগে হায়বসিদা নর্থ ইষ্টকী মণিপুর, আসাম, ত্রিপুরা, কার্বিলোং, ডিমাসা, হাসৌদগী লাকপীরগা ময়াম পুন্না ফম্মিন্নদুনা পাঙথোকখিবা মীফম নি। মীফম অদুদা তোঙান তোঙানবা ৱারেপ লৌরগা কেন্দ্র সরকার অমদি ইউনাইটেদ নেশন (ইউ. এন) দা অইবা মেমোরেন্ডাম পীশিনগনি হায়খি। থৌরম অদুদা শক্নাইরবা সোসেল সাইন্টিষ্ট ধনবীর লাইশ্রমনা ঙসি ঐখোয়না অপুনবা অমা ওইবা ঙমদ্রিবসি ঐখোয়না লুপ মচা মচা ময়াম’মা ঐখোয় পুল্লসি হায়দুনা থোক্নরক্লিবা অসিনা মরম ওইদুনা পুনবা ঙমদ্রিবনি হায়খি। লুপ শেমদ্রবদি পুনবা য়াদ্রবরা? লুপ ময়াম অমা শেম্বগী মহুত্তা ঐখোয়না লৈজরিবা অচৌবা লুপ অসিগী মখাদা থবক তৌরগা থোক্লিবা প্রোব্লেম ময়ামসি সোল্প তৌমিন্নসি। মহাক্না হায়খি, চহী তরেৎ খুন্তাকপা মতমদা ঐখোয়গী মীশিং লাখ ৯গা লিশিং ৫০ লৈরম্বদগী লাখ অনী মখায় মুক্তা লৈখি। মসিদা মী ময়াম অমা ময়ুম মকৈ থাদোকপীখিবা, অঙাং নুপী মচাশিংবু কা অমদা ফাজিন্দুনা মোরোক মৈ থাদুনা হাৎখিবা অসুম্না তমথিরবা খুন্তাকপা হায়বদু ওইখি।
মথংদা ইনিংথৌ গম্ভীর সিংহনা লান হৌবদগী মণিপুরদগী অৱাশিংবু তান্থোক্তুনা মৈতৈনা অমুক মণিপুর পান্দুনা হান্নদগী হেন্না ফজরবা মণিপুর শেমখি। মসিগী মরমদি পুকচেল শেংদুনা থবক কন্না শুখিবা, থকসি খানি নাইবা, লৌখিবা ফীরেপ ঙাক্না চৎপা অসিননি। ঙসিদি মরমদমবু নুংশিবা অসি মথং মথং কায়থরকপদগী ঐখোয়গী ঙসি লাকখিবা ফীভম অসি ওইখিবনি। অদুনা ঐখোয়না হান্না লৈরম্বা কুমশিং অসিবু চেনবগী মথৌ তায় হায়না মহাক্না ফোঙদোকখি।
থৌরম অদুদা ত্রিপুরাগী কে ধীরেননা মণিপুরদা ঙসি থোক্লিবা ঈরাং অসি থার্ড পার্টিগী রাজনীতিগী লাংদা থুবদগীনি হায়খি। মণিপুরগী লৈনুংদা লৈবা মিনরেল মরাং কায়না নেচরেল রিসোর্ছশিং ভারতকী অচৌ অচৌবা কারবারৱালাশিংগী মীৎয়েং তাখি। মতৌ করম্না পুথোক্কনি হায়বসিদা লাং থাকপা ঈরাংনি। অদুবু অঙকপদি লৈঙাক অমা লৈন লৈনা মতম শাংনা চত্থরক্লিবা ঈরাং অসি লাকশিনবা ঙমদ্রিবসিনি।
সোর্স: মরূপ
0 কমেন্ট:
কমেন্ট তৌবিয়ু