আপডেট:
image

ইরাবত ফাউন্দেসন মণিপুরগী ২৮ শুবা ফাউন্দেসন দে পাঙথোকখ্রে

ইম্ফাল, জুন ১৬ : ইরাবত ফাউন্দেসন মণিপুরগী ২৮শুবা ফাউন্দেসন দেগী থৌরম য়াইস্কুলদা লৈবা ফাউন্দেসন অসিগী হেদ ওফিসতা ঙসি পাঙথোকখ্রে।

থৌরম অদুদা ইরাবত ফাউন্দেসন মণিপুরগী প্রেসিদেন্ত কেঐচ গোপেন লুৱাংনা হায়খি, শূরি-নোম্লিবা লৌমী-শিন্মীশিং পূনশিন্নদুনা লৈবাক্কী চিরবা তাঞ্জা অসিদা থবক চিলহাও থিদনা পুৎথদুনা লৈরবা খুন্নাই অসি মাঙলোমদা পুখৎলসি।

মহাক্না হায়, লৈরিবা লৈবাক খুন্নাইগী ফীবম অসিনা শেল-থুমগী অৱাবা অসি কোকহনগে হায়রবদি এগ্রিকলচর অমসুং এলাইদ দিপার্তমেন্তশিংদা মায় ওনশিন্দুনা পূন্না থবক তৌমিন্নবা চঙই। মায়োক্নরিবা অৱাবা কয়া তাথোক-তাশিন তৌদুনা খুন্নাই অসি মাঙলোমদা পুখৎপা অমা মথৌ তাই। ঐখোয় মশেল অমগা অমগা হুন্নদুনা ঙাঙবা, ফত্তবনা অচুম্বা শকপগী মতমদু হৌজিক্তি হেনখ্রে।

চীঞ্জাক্তা মীপাল তাংদনা ইশাগী পোত্থোক্না নীংতম্না চাজবা মান্নবা খুন্নাই অমা শেম্বা” হায়বা ইরাবত ফাউন্দেসন মণিপুরগী নুংদা চেল্লিবা ঈচেলনি হায়না গোপেন লুৱাংনা না ফোঙদোকখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: