ইম্ফল-সিলচর ফ্লাইট সার্ভিস নভেম্বর ২৫দগী হৌরগনি
ইম্ফাল, নভেম্বর ১৯ : ইম্ফাল অমসুং সিলচরগী মরক্তা নুমিৎ খুদীংগী ডাইরেক্ট ফ্লাইট থা অসিী ২৫ দগী সার্ভিস হৌরগনি। ফ্লাইট অসিনা মিনিট ৪০গী মনুংদা ডেস্টিনেশন য়ৌহনবা ঙম্লগনি। ইম্ফাল অমসুং সিলচর অনীগী মরক্তা এভিয়েশন মিনিস্ট্রিনা ঙসি ডাইরেক্ট ফ্লাইট লৈরগনি হায়না লাউথোকখিবগা লোয়ননা ষ্টেট অনীগী অরাপ্পা অদু তেনশিনখ্রে। ডাইরেক্ট ফ্লাইট সার্ভিস অসি থা অসিগী ২৫দগী এলায়েন্স এয়ারনা অপারেট তৌবা হৌরগনি।
য়ুনিয়ন মিনিষ্টার ফোর সিভিল এভিয়েসন্না ঙসি ফ্লাইট সার্ভিস অসি লাউথোকখি। সার্ভিস অসি হৌদোরকপা অসিনা হান্না সিলচরদগী ইম্ফাল চৎনবা হোৎনবদা ভায়া কোলকাতা নৎত্রগা শিল্লোং এয়ারপোর্টতগী চৎলম্বা অদু তেনশিল্লগনি হায়না টুইটার থাগৎলকখি। মহাক্কী পোস্টতা মিনিস্টার জ্যোতিরাদিত্য এম সিন্ধিয়ানা ইখিবদা, নোর্থ ইষ্টতা এভিয়েশন নেটওয়ার্ক হেন্না শন্দোক্নবা পান্দমদা ইম্ফাল-সিলচর ফ্লাইত সার্ভিস অসি নভেম্বর ২৫দগী হৌদোকপনি।
ফ্লাইট সার্ভিস অসিনা মতম তেনশিনহনবগা লোয়ননা হেন্না খুদোংচাবা ফংহল্লগনি। মসিগা লোয়ননা নোর্থ ইষ্টতা চাওখৎ থৌরাংগী থবক হেন্না খুমাঙ চাওশিল্লগনি। ফ্লাইট অসি নুমিৎ খুদীংগী সিলচরদগী নুংথিল পূং ১.৩০ দগী টেকওফ তৌরগা ইম্ফালদা পূং ২.১০ দা ইম্ফালদা থুংগনি। ফ্লাইট অসিমক ইম্ফালদগী নুমিৎয়ুংবা মতুং পূং ১২.২৫ দগী টেকওফ তৌরগা সিলচরদা নুংথিল পূং ১.০৫ দা থুংগনি। ইম্ফাল অমসুং সিলচলগী মরক্তা হান্না ভায়া কোলকাতা এয়ারপোর্ট চৎলম্বা অদুদগী পূং অহুমগী মতম তেনশিনহল্লগনি হায়রি।
সোর্স: পোক্নফম
0 কমেন্ট:
কমেন্ট তৌবিয়ু