আগরতলা লাইরিক মেলাদা মণিপুরী সাহিত্য নৈনখ্রে, শৈরেং পাথোক্নখ্রে
আগরতলা, জানুয়ারি ১৫ : জানুৱারী ২ দগী ১৪ ফাওবা নুমিৎ তরানিথোইনি চুপ্পা হন্দক চহীগী ৪৪ শুবা আগরতলা লাইরিক মেলা লোইশিনখ্রে। অরোইবা নুমিৎতা মখল কয়াগী মনা মথুম কয়া লান্থোকখি। চহী খুদিং তৌনা হন্দকসু লাইরিক মেলাদা মশীং লিকপা লোল তরাগী শৈরেং শৈদিন্নবা থৌরমদা মণিপুরী কবিশিং শরুক য়াখ্রে। চৎখিবা চহীগুম্না হন্দকসু কবি ৱাংখেম বীরমঙ্গল সিংহনা মোডেরেটর ওইরগা শৈরেং শৈদিন্নবা থৌরমদু পাঙথোকখি।
হন্দক চহী শৈরেং শৈদিন্নবা থৌরমদা মণিপুরী কবি ৩৩ না শরুক য়াখি। অদুগা মণিপুরী, চাকমা অমসুং মগ লোলগী সাহিত্যগী মথক্তা নৈন থৌরম অমসু পাঙথোকখি। মদুদা মণিপুরীশিংগী মাইকৈদগী থৌদাম নীলকুমার সিংহ, চাকমাগী উত্তরা চাকমা অমসুং মগকী ক্রাইরী মগ চৌধুরী শরুক য়াখি। হন্দক চহী তোঙান তোঙানবা পাব্লিসার, বুক সেলর য়াওনা শুপ্না ষ্টল ১৮৩ হাংখি। চৎখিবা চহী লাইরিক মেলাদা লুপা ক্রোর ১ গা লাখ ৫৩ লাইরিক য়োনখি। হন্দক চহী অতৈসু হেন্না লাইরিক য়োনবা ঙমখি হায়রি।
সোর্স - মরূপ
0 কমেন্ট:
কমেন্ট তৌবিয়ু