আগরতলাদা অশাংবম মিনকেতনগী মপোক কুমওন পাঙথোকখ্রে
ইম্ফাল, মে ৩ : মণিপুরী লিতরেরী এন্দ কলচরেল ফোরাম, ত্রিপুরানা শিন্দুনা কবি অশাংবম মিনকেতনগী চহি ১১৮ শুবা মপোক কুমওন থৌরম আগরতলাগী তারৌ মীতৈ লৈকায়দা পাঙথোকখ্রে।
থৌরম অদুদা সাহিত্য পরিষদ ত্রিপুরাগী প্রেসিদেন্ট এল বিরমঙ্গল, মরূপ পাউচেগী আরকে তরুনজিৎ অমসুং খুনাইগী শক্নাইরবা এল রঞ্জন শর্ম্মানা অথোইবা মীথুংরেন ওইনা শরুক য়াখি। মীয়াম্না কবি অশাংবম মিনকেতনগী ফোটদা লৈ কৎতুনা ইকায় খুম্নবা উৎখি।
ফোরামগী জেনরেল সেক্রেটারি খোইস্নাম মঙ্গোলনা মীয়াম্বু তরাম্না ওকপগী ৱারোল পীরবা মতুং সাহিত্য একাদেমী মণিপুরী বোর্দকী মেম্বার খোইস্নাম বিরোলানা কবি অশাংবম মিনকেতনগী পুন্সি অমসুং থবক হায়বা হিরম অসিদা চে পাথোকখি।
থৌরমগী শরুক অমা ওইনা কবি শিজা মলিনা, খোইবম সাইব্যা, ক্ষেত্রিময়ুম মাধবি, খুন্দ্রাকপম কোনিকা, লাইফূবম প্রতিমা, হিজম সরিকা, কবি এল মিনানা, কবি অশাংবম মিনকেতননা ইবা শৈরেংশিং পাথোক্তুনা ময়ামদা তাহনখি।
সোর্স: পান্দম
0 কমেন্ট:
কমেন্ট তৌবিয়ু