আপডেট:
image

অঙোমচা বিমোলনা মহাক্কী নক্নবা লম্বাদগী ভোত ১,০৯,৮০১ হেন্দুনা মণিপুরদা অনৌবা ইতিহাস শেমখ্রে

ইম্ফাল, জুন ৪: ১৮ শুবা লোক সভা মীখলগী ফল ঙসি লাওথোকখিবগা লোয়ননা মণিপুরগী ওইনা ইন্নর মণিপুর পর্লিয়ামেন্তরি সিত অনীমক ইন্দিয়ান নেস্নেল কংগ্রেস (আই এন সি) না মায় পাকখ্রে।

মীখল অসিদা ইন্নর মণিপুর পার্লিয়ামেন্তরি কন্সতিত্যুন্সিদা আই এন সিগী মীরেপ অঙোমচা বিমোল অকোইজমনা মহাক্কী খ্বাইদগী নক্নবা লম্বা বি জে পিগী তি ঐচ বসন্তকুমারদগী পূন্না ভোত ১,০৯,৮০১ হেন্দুনা মণিপুরগী লোক সভা মীখলগী ইতিহাসতা খ্বাইদগী য়াম্না মার্জিন ৱাংনা মীখল মায় পাকপগী ইতিহাস অমা শেমখ্রে।

ইন্নর মণিপুর পার্লিয়ামেন্তরি কন্সতিতুন্সিগী মীখল অসিদা আই এন সিগী মীরেপ ওইরিবা অঙোমচা বিমোল অকোইজমনা পূন্না ভোত ৩,৭৪,০১৭ ফংখি। লোয়ননা বি জে পিগী মীরেপ তি ঐচ বসন্তকুমারনা ভোত ২,৬৪,২১৬ ফংখি। মীখল অসিদা মীরেপ ওইরিবা আর পি আইগী মহেশ্বর থৌনাওজমনা ভোত ১,৩৫,৬৪০ ফংখি।

লোয়ননা ইন্দিপেন্দেন্ত মীরেপ আর কে সোমেন্দ্রোনা ভোত ১৩,০৫০ মোইরাংথেম তোতোমসনা নোংশাবনা ভোত, ৪, ৮৮১ অমসুং ইন্দিপেন্দেন্ত মীরেপ ঐচ শরতনা ভোত ১,২৯৬ ফংখি। অদুগা মীখল অসিদা নোতাদা ভোত পূন্না ৩,৭৮৭ তাখি।

অমরোমদা, আউতর মণিপুর পার্লিয়ামেন্তরি কন্সতিত্যুন্সিদা ইন্দিয়ান নেস্নেল কংগ্রেসকী মীরেপ অলফ্রেদ কানঙম অর্থরনা পুন্না ভোত ৩,৮১,৮১৩ ফংদুনা মহাক্কী খ্বাইদগী নক্নবা লম্বা এন পি এফকী কাচুই তিমোথি জিমিক্না ফংখিবা ভোত ২,৯৮,৩৮৫ তগী ভোত ৮৩,৪৫৫ হেন্দুনা মায় পাকখি।

মীখল অসিদা মীরেপ ওইরিবা ইন্দিপেন্দেন্ত মীরেপ ওইরিবা এস খো জোননা ভোত ৮৯,৬৭৭, এলিসন অবোনমাইনা ভোত ১৪,৮৬৫ ফংখি। লোয়ননা নোতাদা পূন্না ভোত ৬,৫৩০ থাদখি।

ইন্নর মণিপুর পার্লিয়ামেন্তরি কন্সতিত্যুন্সিগী ওইনা মীখল অসিদা অপূনবা এসেম্বলী সেগমেন্ত ৩২ লৈবগী মনুংদা আই এন সিনা পূন্না এসেমব্লী সেগমেন্ত ১০ দা মাঙজিল থাখি।

আই এন সিনা মাঙজিল থাখিবা এসেমব্লী সেগমেন্তশিং অদুদি-খুন্দ্রাকপম, খুরায়, ক্ষেত্রিগাও, থোংজু, লম্লাই, থাংমৈবন্দ, উরিপোক, সগোলবন্দ, কৈশামথোং, শীংজমৈ, য়াইস্কুল, ৱাংখৈ, লমশাং, পাৎশোই, লংথবাল, নাওরিয়া পাখঙলাকপা, ৱাঙ্গোই, ময়াং ইম্ফাল, মোইরাং, লিলোং, থৌবাল অমদি ৱাংখেম কেন্দ্রনি।

অমরোমদা, বি জে পিনা মাঙজিল থাখিবা এসেমব্লী সেগমেন্ত ১০ অদুনা মথংশীৎনা হৈঙাং, কৈরাং, অন্দ্রো, সেকমাই, কোন্থৌজম, নম্বোল, ওইনাম, বিষ্ণুপুর, থাঙ্গা অমসুং কুম্বীনি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: