আপডেট:
image

‘থাঙ-তাগী ঈহৌদা মীপূম খুদীংমক্না শরুক য়ামিন্নসি’

ইম্ফাল, মার্চ ১০ : থাঙ-তাবু মালেমগী শান্নবুংদা মপুং ফানা মশক তাক্তুনা ওলিম্পিক দিসিপ্লিন অমা ওইহন্নবগী ঈহৌদা মীফূম খুদীংমক্না শরুক য়ামিন্নসি হায়না ৱার্ল্ড থাঙ-তা ফেদরেসনগী প্রেসিদেন্ত হুইদ্রোম প্রেমকুমারনা ৱার্ল্ড থাঙ-তা দে ২০২৪ থৌরমগী মাঙওইননা ফোঙদোরক্লি।

ইং ২০১১ গী মার্চ ১১ দা মণিপুরনা য়ুম্বু ওইদুনা ইম্ফালগী খুমন লম্পাক স্পোর্তস কমপ্লেক্সতা অহানবা ৱার্ল্ড থাঙ-তা চেম্পিয়নশিপ হৌদোকখিবা নুমিৎ অদুবু নীংশিংদুনা চহী খুদীংগী পাঙথোক্তুনা লাকপা ৱার্ল্ড থাঙ-তা দে ২০২৪ থৌরম হয়েং হুয়েল লাকপা ৱার্ল্ড থাঙ-তা দে ২০২৪ থৌরম হয়েং হুয়েল লাংলোন থাঙ-তা এসোসিয়েসন মণিপুর, ৱার্ল্ড থাঙ-তা ফেদারেসন অমসুং থাঙ-তা ফেদারেসন ওব ইন্দিয়ানা শীন্দুনা ইম্ফাল ওয়েস্টকী য়ূম্নাম হুইদ্রোমদা লৈবা থাঙ-তা শঙলেন্দদা পাঙথোক্লগনি।

থাঙ-তা ফেদারেসনা ওব ইন্দিয়াগী হান্নগী সেক্রেতরি থৌনাওজম প্রিয়োকুমার, ৱার্ল্ড থাঙ-তা ফেদরেসনগী প্রেসিদেন্ত হুইদ্রোম প্রেমকুমার সিংহ, হুয়েল লাংলোন থাঙ-তা এসোসিয়েসন মণিপুরগী সেক্রেতরি হৈক্রুজম চা বাবু অমসুং লুৱাং থাঙ-তা একাদেমি খুরাই সাজোর লৈকায় ইম্ফাল ইস্তকী সেক্রেতরি নোংথোম্বম নোরেন মীতৈনা মথংশিৎনা চীফ গেস্ত, থৌরমগী প্রেসিদেন্ত অমসুং গেস্ত ওনর ওইনা শরুক য়ারগনি।

হয়েং নিঙথৌকাবা নুমিৎতা পাঙথোক্কদৌরিবা ৱার্ল্ড থাঙ-তা দে থৌরম অদুগা মরী লৈননা য়াইফ পাউজেল পীরদুনা ৱার্ল্ড থাঙ-তা ফেদারেসনগী প্রেসিদেন্ট হুইদ্রোম প্রেমকুমারনা পোক্নফমদা হায়, নুমিৎ অসিনা লাকপদা থাঙ-তাগী মরী লৈনবা খুদীংমক অমুসং লমদম অসিগী মীয়ামদা য়াইফ পাউজেল পীজরি। থাঙ-তা মশান্নবু মারেমগী লৈবাকশিংদা শন্দোক্তুনা ওলিম্পিক্সকী মশান্না অমা ওইহন্নবগী অনৌবা ঈহৌদদা লমদম অসিগী মীপূম খুদীংমক্না শরুক য়াবীয়ু। থাঙ-তা অসি লদমদম অসিগী মফম খুদীঙমক্তা শন্দোক্তুনা অনৌবা ঈহৌ অমা লাক্লি। স্কুল কলেজশিংদা সাবজেক্ত অমা ওইনা তম্নরিবনা মণিপুরগী পুৱারীগা শাগোন্নরক্রিবা থাঙ-তাগী মহৈ অসি অনৌবা য়াওল অমদা লাক্লি।

মহাক্না মখা তানা হায়, থাঙ-তাবু ওলিম্পিক্সকী মশান্না অমা ওইহন্নবা কালচার, স্পোর্তস, এদুজকেসন অমসুং তুরিজম হায়রিবা য়ূম্বী মখোঙ মরি অসিগা লোয়ননা মালেমগী লৈবাকশিংদা মশক তাক্নবা হোৎনদুনা লাক্লি। ইং ১৯৯৩ দা স্তেত গভর্নমেন্তকী স্পোর্তস দিপার্তমেন্তনা মশক খঙবীখিবদগী স্তেত চেম্পিয়নশিপ পাঙথোকপা হৌখি।

নোর্থ ইস্ত স্তেতশিংগী ওইবা কম্পিতিসনশিং মায় পাক্না শীনখ্রবা মতুং ইং ১৯৯৩ দা অহানবা নেসনেল চেম্পিয়নশিপ পাঙথোকখি অমসুং ইং ১৯৯৯ দা ইম্ফালদা পাঙথোকখিবা নেসনেল গেমসতা থঅঙ-তা মশান্না মশক তাকখ্রবা মতুংদগী থাঙ-তা ঙসিদি ইন্দিয়াগী স্তেতশিংনা পাম্না শান্নরক্লি। স্তেত খরদি থাঙ-তা শান্নরোয়শিংবু শকখঙবীদুনা গভর্নমেন্তকী থবক চঙবদা অয়াবা ফাওবা পীনবা য়াওরে। অদুবু আর্ত অসিগী হৌরকফম স্তেত মণিপুরদদি মসিগী খুদোংচাবা অসি হৌজিক ফাওবা লৈত্রি হায়বা য়াই।

হৌজিক মশান্না অসি মালেমগী লৈবাক কায়দা শন্দোকপা ঙম্লে হায়রদুনা প্রেমকুমারনা হায়, মহাক্কী ফেদরেসন্না মশান্না অসিবু ওলিম্পিক স্পোর্তস অমা ওইহন্নবা হায়বসিদা অহেনবা মীৎয়েং থম্লিবনা মসিগীদমক অনৌবা ঈহৌ অমা শাগৎলি। ঈহৌ অসিগী শরুক অমা ওইনা আর্ত অসিবু এসিয়া অমসুং মালেমগী অতৈ লৈবাকশিংদা মপূং ফানা শন্দোক্তুনা হেন্না পাম্নহন্নবা হোৎনবা হায়বসিনা মপূং ওইরবা থবক থৌরম ওইনা হোৎনরি। এসিয়া অমসুং মালেমগী ওইবা চেম্পিয়নশিপশিং শীন্দুনা মশান্না অসিবু হেন্না পাকথোক চাউথোক্না শন্দোকপা মথৌ তারিবনা মসিদা মহাক্কী ফেদারেসন্না অহেনবা পূক্নিং চঙদুনা থৌরাং কয়া অমা তৌরি। মসিদা মীপূম তিংনা শরুক য়াবীয়ু।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: