আপডেট:
image

সঙ্কর হাওবমনা মেন্স সিঙ্গলস তাইতল লৌরে

ইম্ফাল, মার্চ ১০ : মণিপুর তেন্নিস এসোসিয়েসগী মীৎয়েং মখাদা সেয়ো তেন্নিস তুর্নামেন্ত কমিতিনা শীন্দুনা থা অসিগী ৬ তগী চত্থরকখিবা ৪শুবা স্তেত লেভেল সেয়ো তেন্নিস তুর্নামেন্ত ২০২৪ গী মেন্স ওপেন সিঙ্গলস তাইতল সঙ্কর হাওবমনা লৌখ্রে।

ঙসি শান্নখিবা মেন্স ওপনগী ফাইনেলদা সঙ্গর হাওবমনা তিঐচ রিভাস্করবু ৬-২, ৬-১ দা থোইদুনা তাইতল লৌখিবনি। চহী ৩৫ মথক্কী মেন্স দবলস ফাইনেলদা একেন অমসুং রিভাস্করগী জুরানা বোনা অমসুং আশোক্কী জুরাবু ৪-৬, ৬-০, ১০-৮ দা থোইদুনা চেম্পিয়ন ওইখি। চহী ৪৫ মথখ্কী মেন্স দবলস ফাইলেনদা তুলে অমসুং জিতেনগী জুরানা কংজাম্বা অমসুং বিরলাগী জূরাবু ৬-৩, ৬-১ দা থোইদুনা তাইতল লৌখি।

মেন্স ওপনগী চেম্পিয়ন ওইখ্রবা সঙ্কর হাওবমনা কেশ এৱার্দ ওইনা ‍লুপা লীশীং ১০ অমসুং ত্রোফী ফংখি। রান্নার্স অপ তাহৌরবা তিঐচ রিভাস্করনা ত্রোফীগা লোয়ননা লুপা লীশীং ৬ ফংখি।

চহী ৩৫ মথখ্কী মেন্স দবলসকী উইন্নর ওইখ্রবা একেন অমসুং রিভাস্করনা কেশ এৱার্দ লুপা লীশীং ৬ অমসুং ত্রোফী লোয়ননা রান্নার্স আফ তাহৌরবা বোনা অমসুং অশোক্না লুপা লীশীং ৪ অমসুং ত্রোফী ফংখি।

চহী ৪৫ মথক্কী মেন্স দবলসকী তাইতেল লৌখ্রবা তুলে অমসুং জিতেননা কেশ এৱার্দ লুপা লীশীং ৬ অমসুং ত্রোফী ফংখিবগা লোয়ননা রান্নার্স আপ তাহৌরিবা কংজাম্বা অমসুং বিরলানা কেশ এৱার্দ লুপা লীশীং ৪ অমসুং ত্রোফী ফংখি। তুর্নামেন্ত অসিগী কেতেগরি অহুম্মক্তা সেমি ফাইনেল চঙবা ঙমখ্রবা শান্নরোয়শিংদা কেশ এৱার্দ লুপা লীশিং অমমমগা লোয়ননা ত্রোফী খূৎশিন্নখি।

লোইশিনবগী থৌরমদা ফিজরিজগী দিরেক্তর ঐচ বালকৃষ্ণ এম সি এসনা চীফ গেস্ত, সেয়োগী প্রেসিদেন্ত কে এস ঐচ থোইবা ওলিম্পিয়াননা প্রেসিদেন্ত, মণিপুর তেন্নিস এসোসিয়েসনগী প্রেসিদেন্ত ঐচ ইবোতোম্বী, মণিপুর তেন্নিস এসোসিয়েসনগী সেক্রেতরি ঐচ শশাঙ্ক শেখর শর্ম্মা, ফাইনান্স এন্দ লেন রিসোর্ছকী জোইন্ত সেক্রেটারি ৱাই নেলসন এম সি এস, আর দিএন্দ পি আর, আই পি আর, তি এ এন ঐচ, এল আরগী দিপুতি সেক্রেটারি লনজোয় থৌদাম এম সি এস, এম এম গ্যাসকী প্রোপ্রাইতর এম সি এস, এম এম গ্যাসকী প্রোপ্রাইতর আরকে তোম্বা, লাঙ্গোল কেমিস্তকী প্রোপ্রাইতর ঐচ বিক্রম অমসুং ঐচ ফেলেন্দ্রোন গেস্ত ওব ওনর ওইনা শরুক য়াদুনা মনা-মথুমশিং য়েন্থোকখি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: