আপডেট:
image

‘ইন্টারনেশনেল মাদার ল্যাঙ্গুয়েজ ডে’ ত্রিপুরাদা মণিপুরী লুপ অমত্তনা পালন তৌখিদে

আগরতলা, ফেব্রুয়ারী ২৯: ইং ১৯৫২ গী ফেব্রুয়ারী ২১ নুমিৎ অসি বাংলাদেশতা (মতমদুদা পাকিস্তান) বাংলা লোলবু লৈঙাক্না মীরাইবগী মায়োক্তা চত্থখিবা খোঙঙজংদা লোল অসিগীদমক থৱায়না পোন্থা পীখ্রবা অথৌবশিংগী মফমদা শ্রদ্ধাঞ্জলি কৎপা ওইনা চহী খুদিং ‘বাংলা মাতৃভাষা দিবস’ হায়দুনা থৌরম পাঙথোক্লম্মী।

ইং ১৯৬১ দসু আসাম শিলচরদা লোল অসিগীদমক পুন্সি পোন্থা পীখিবা অথৌবা কয়াবু ঙসিসু মে ১৯ ‘মাতৃভাষা দিবস’ পালন তৌরি। নুমিৎ অসিমক্তদা কমলা ভট্টাচার্য্য য়াওনা মীওই ১১ শহীদ ওইখি। অসুম্না ইং ১৯৯৬ গী মার্চ ১৬ দা মমালোলগীদমক রেল রোকো আন্দোলন্দা পুলিশনা শাথিব মওংদা ফুবিবদগী থৱায় পোন্থা পীখিবা বিষ্ণুপ্রিয়া নিঙোল সুদেঞ্চা সিনহাবু নীঙশিদুনা ঙসিসু পালন তৌরি।
মালেমগী পুৱারীদা মমালোলগীদমক পুন্সি পোন্থা পীখিবা নিঙোল মখোয় অনীতনি। ফুরুপ কাঙলুপ খুদিংমক্কী মফমদা মমালোল হায়বসি থৱায়নি, পুন্সিনি। ত্রিপুরাবসু নুমিৎ অসি লেফ্ট ফ্রন্ট লৈঙাক্না ‘তোমার ভাষা আমার ভাষা সকলের মাতৃভাষা’ হায়দুনা নুমিৎ অসি হৌদোক্লম্মী।

ইং ১৯৯৯ দা ফমখিবা ইউনেস্কোগী অখন্নবা মীফমদা লেপ্নখিবা ৱারেপ মতুং ইন্না মথং চহী ইং ২০০০ দগী ফেব্রুয়ারী ২১ অসি মমালোল খুদিংমকপু ইকাইখুম্নবা উৎপা নুমিৎনি, বাংলাতা নত্তে লোল খুদিংমকপু ইকাইখুম্নদুনা চহী খুদিং ‘ইন্টারনেশনেল মাদার ল্যাঙ্গুয়েজ ডে’ পাঙথোকপা হৌখি।

মালেমদা কাঙলুপ খুদিংমক্কী মাগী মাগী মমা লোল লৈ, মমালোল খুদিংমকপু ইকাইখুম্নগদবনি হায়বা পান্দম অসিদা মালেমগী লৈবাক কয়াদা নুমিৎ অসি পালন তৌদুনা লাক্লি। আন্তর্জাতিক মাতৃভাষা দিবস (ইন্টারনেশনেল মাদার ল্যাঙ্গুয়েজ ডে) মণিপুর, আসামগী মণিপুরী লূপ কয়ানদসু পাঙথোকখি। মমালোলবু নুংশিবা অতৈ লোলবুস ইকাইখুম্নবা উৎপা নুমিৎনি হায়না তোঙান তোঙানবা লুপ কয়ানা মখল কয়াগী থৌরম য়াওনা পাঙথোকখি।

ত্রিপুরাদসু জিলা, সাব ডিভিশন খুদিংদা লৈঙাক্না অমসুং তোঙান তোঙানবা সাহিত্য লুপ সংস্থা ক্লাব নচিংবা কয়ানা পালন তৌখি। অদুবু ত্রিপুরাগী মফম কদায়দসু মণিপুরী লুপ অমত্তনা নুমিৎ অসি পালন তৌখি হায়বা পাউ থেংনদে। ত্রিপুরা লৈঙাক্কী এডুকেশন ডিপার্টমেন্ট অমসুং বাংলাদেশকী এসিঃ হাই কমিশন অনীনা শীন্দুনা পাঙথোকপা নুমিৎ অসিগা মরী লৈননা য়াইফা খোঙচৎতা মণিপুরী সাহিত্য পরিষদ শরুক য়াখি অমসুং টাউন হোলদা পাঙথোকপা থৌরমদা ভাবোক ওইখিবা নত্তনা মণিপুরী লুপ অমত্তনা শীন্দুনা নুমিৎ অসিবু ইকাইখুম্নদুনা পালন তৌখি হায়বা থেংনদে।

সোর্স: মরূপ 

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: