মেগা মিস নোর্থ ইস্ত ২০২৪ দা মণিপুরগী মোনিকা কোঞ্জেংবম উইনার ওইরে
ইম্ফাল, মার্চ ৩ : সানসিল্ক সেরম মেগা মিস নোর্থ ইস্ত, ২০২৪ দা মণিপুরদগী মোনিকা কোঞ্জেংবমনা উইনার ওইবদা নত্তনা ‘মিস কঞ্জেনিএলিতি’ অমসুং ‘মেগা মিস মণিপুর’ গী সাব টাইতেলশিং লৌখ্রে।
মেগা ইন্টারতেনমেন্তনা মহাক্কী ফাউন্দার এন্দ ওন্ত্রপ্রেন্যুর অভিজিৎ সিংহগী মখাদা মার্চ ২ দা গুৱাহাতিগী আই তি এ কমপ্লেক্স মাচখোৱাদা পাঙথোকখিবা সানসিল্ক সেরম মেগা মিস নোর্থ ইস্ত, ২০২৪ দা নোর্থ ইস্তকী স্তেতশিংদগী লাকপা শকহেনবী ৫৬ না অথোয়-অহেন তানখি। মেগা এন্তরতেনমেন্ত মণিপুরগী স্তেত দিরেক্তর কবিতা কৈশামনা লুচিংখিবা মণিপুরগী শকহেনবী নুপী ৫ না মণিপুর রিপ্রেজেন্ট তৌখি।
উইনার ওইখিবী মোনিকা কোঞ্জেংবম, আসামগী দিপতি বাসুমতরি অমসুং মেঘালয়াগী রিদাময়া পাশা
কন্তেস্ত অসিগী ফাইনেল রাউন্দগী খনগৎলকখিবা উইনার ওইখিবী মোনিকা কোঞ্জেংবম য়াওনা তোপ থ্রীগী উইনার ওইখ্রবী অতোপ্পা শকহেনবী ২ অদুদি আসামগী দিপতি বাসুমতরি অমসুং মেঘালয়াগী রিদাময়া পাশানি। কন্তেস্ত অসিদা মায় পাক্লক্তনা উইনার ওইখ্রবী মোনিকানা হন্দক চহীগী থাইলেন্দদা পাঙথোক্কদবা মিস কন্তিনেন্তেল ৱার্ল্ড ইন্দিয়া ২০২৪ দা ইন্দিয়াগী রিপ্রেজেন্ত তৌরগনি।
মোনিকা কোঞ্জেংবম সগোলবন্দ লাইরেঞ্জম লৈরক্তগী কোঞ্জেংবম গীতচন্দ্র সিংহ অমসুং কোঞ্জেংবম ওংবী সোবিতা দেবীগী মচানুপীনি।
সোর্স: পোক্নফম
0 কমেন্ট:
কমেন্ট তৌবিয়ু