১০ রক শুবা কবি সম্মেলন পাঙথোকখ্রে
ইম্ফাল, জানুয়ারি ২৩ : মহিলা কাব্য মঞ্চ, মণিপুর (অন্তরাস্ত্রিয়া সনস্থা) না শীন্দুনা ১০ রক শুবা কবি সম্মেলন ঙসি ক্বাকৈথেল মোইরাংপুরেল লৈকায়দা লৈবা দোসুয়ালি হোলদা পাঙথোকখ্রে।
থৌরম অসিদা বিষ্ণুপুর হায়ার সেকেন্দরি স্কুলগী রিতায়ার্দ প্রিন্সিপাল ৱাহেংবম হেমাবতি দেবীনা চীফ গেস্ত, মহিলা কাব্য মঞ্চ মণিপুরগী প্রেসিদেন্ট দাঃ কেঐচ সুবদনীনা প্রেসিদেন্ত অমদি সাহিত্য একাদেমী এৱার্দি প্রোফেসার কোইজম শান্তিবালা দেবীনা মোদরেতর ওইনা শরুক য়াখি।
মহিলা কাব্য মঞ্চ মণিপুরগী প্রেসিদেন্ট দাঃ কেএসঐচ সুবদনীনা হায়, মহিলা কাব্য মঞ্চ হায়বা অসি নুপীশিংগী শৈরেংগী ফম্বাক হায়রনি। মহিলা কাব্য মঞ্চকী শৈরেং শৈদিন্নবগী থৌরম অসি থা খুদীংগী লেপ্তনা পাঙথোক্তুনা লাক্লি। মসিদা শৈরেংখক শৈদিন্নবা নত্তনা কনাগুম্বা অইবী অমনা শৈরেংদি ইরুরগা পাফম লৈতবদসু ফম্বাক অসিদা মফম পীরি।
লোয়ননা ফম্বাক অসিদা শৈরেংখক নত্তনা মশা-মশানা হৈজবা জগোয়-ঈশৈসু উৎপা য়াই। মথং থাদগী অহল, নহা, অঙাং অমদি এদুকেসনগীসু হাপচিল্লগনি হায়খি। ঙসিগী শৈরেং শৈদিন্নবা অদুদা অইবী ৪৫ রোম্না শরুক য়াদুনা মশানা ইজবা শৈরেং পাথোকখি।
সোর্স: পোক্নফম
0 কমেন্ট:
কমেন্ট তৌবিয়ু