কুমসি চহী ২০২৬কী লেমজনিংঙাই ওইরবা নোবেল প্রাইজ লিটরেচর মনা ফংলবী কনাদাগী অইবী এণ্ড কর্সন -- তোংব্রম অমরজিৎ
ইবগী খোঙচৎ অসিদা কার্সননা লিটরেরি ফোর্মশিংদা চাংয়েং কয়া তৌরগা ইবতা নত্তনা এক্সপরিমেন্টসু লেপ্তনা তৌরকখি। অদুনা তোপ তোপ্পা মহাও অমা অপাবশিংদা পীবা ঙম্লকপগী মরম অমসু ওইগনি। নেরেতিব স্কিল ফজনা লৈবা, অপাবশিংগী থম্মোয় হুবা ঙম্বা খুৎই অমনি 'Float' (2016) অসিমকসু। তোঙান তোঙানবা হিরমদা ইবা লমায় করিসু য়াম্না পান্দবা লাইরিক মচা ২২গী অপুনবা লাইরিক অসি পুন্না পাবদদি অপাবশিংদা নুংঙাইহনবা ঙম্মি। মসিনি মহাক্কী খূৎইগী মগুন।
মালেমগী ওইনা খ্বাইদগী শিংথানিংঙাই ওইবা অমদি লেমজনিংঙাই ওইবা সাহিত্যগী অৱাংবা থাক্তা ইকায়খুম্নবা উৎতুনা পীবা এৱার্দ অমা হায়রগনি লিটরেচরগী নোবেল প্রাইজ অসিনি। স্বুইদিস ক্রোনা (সেক)তা ১২ মিলিয়ননি অদুগা ইন্দিয়ান করেন্সিগী ভেল্যুদা চাওরাকনা লুপা ক্রোর ১১ লাক্ষ ৫২গী শেনফম অসিগা লোয়ননা এলফ্রেদ নোবেলগী শক্তম হকপা সনাগী মেডল অমা অদুগা খুৎনা হকলগা ইবা শকখঙচে অমা য়াওরি। নোবেল কমিতিনা হৌখিবা ওক্তোবর তাং ৮দা লিটরেচরগী ওইনা মনা ফংলগদবা মালেমসিদা খ্বাইদগী মগুন লৈরবা রাইটর অমা খনগৎপদা এণ্ড কার্সনগী মিং লাওথোকলকখি। কুমসি চহী ২০২৬কি লিটরেচরদা নোবেল প্রাইজ Anne Carson পিরগনি। করিগীদমক পীরিবা "for her bold and inventive oeuvre that, in playful dialogue with the classical tradition, has created new forms for contemporary literature." লাইরিক খরা ইরগা হেক্তা ফংলকপা মনা অমদি নত্তে। চহী কয়া এক্সপরিমেন্ট তৌরকখি। হনবা লৈতবা থৌনা অমগা লোয়ননা চংশিল্লকখি কার্সন। কনাদাগী টোরোন্তোদা জুন ২১, ১৯৫০দা তাইবঙ খোঙদারকখি এণ্ড কার্সন। কবি ওইনা হৌরকখি ক্লাসিক লিটরেচর পামজনা লাকখি অদুগা ত্রান্সলেসনগী থবকসু লেপ্তনা তৌরকখি অদুনা মহাক্কি মিৎয়েং ৱাখল হেন্না পাক চাওনা শাহৌ ফনা থোক্লকখি। ১৯৮১দা মহাক্কী ক্লাসিক্তা য়ুম্ফম ওইবা দোক্তোরেল থেসিস ‘Odi et Amo Ergo Sum’ (‘I Hate and I Love, Therefore I Am’) হায়রিবা থেসিস অসি ৱারেং ওইনা অমুক নৌনা ইথোকখি ‘Eros the Bittersweet’ হায়না। মসিনা অইবীনা মহাক্কী মতুং তারকপা ইবগী লমদা চংশিল্লকপদা হেন্না থৌনা অমদি ইনোৎ হাপখি।
য়ুনাইতেদ স্তেটস অমসুং কানাদা লৈবা য়ুনিভর্সিতিশিংদা ১৯৭৯দগী হৌনা এণ্ড কার্সননা ক্লাসিক্স, কমপেরেতিব লিটরেচর অমদিং ক্রিএতিব রাইতিং তাকপীদুনা মহৈরোই কয়া হীরম অসিদা লমজিং লমতাক তৌদুনা লাক্লি। চোকথবা হায়বদু লৈতে। মরমদি ক্লাসিক পামজৈ। ক্লাসিক লিটরেচরগী প্রোফেসার ওইনা McGill, University of Michigan, New York University, অমসুং Princeton University হায়রিবা য়ুনিভর্সিতিশিং অসিদসু তাকপি তম্বীবগী থবক তৌরি। গ্রিক লিটরেচরগী য়াম্না মমিং চৎপা প্রোফেসার অমনি।
ক্লাসিসিস অমা ওইনা ত্রেন তৌরকখি অমদি এণ্ড কার্সন কমপেরেতিব লিটরেচরদা হেন্না থৱায় য়াওনা হোৎনরকখি অমদি এন্থ্রোপোলোজি,হিস্ত্রি অমদি আর্টসতসু পুকনিং লুপখি। অসিগুম্বা হীরমশিং অসিদা পুকনিং লুপখিবা অসিনা মসিদগী ফংলকপা ৱাখল্লোন, থিমশিং অসিনা অমুক মহাক্কী ইবগী লমসিদা মচাক ওইরকখি। মমিং লৈরবা মোদর্ন রাইটর অমদি থিঙ্করশিং মরু ওইনা Emily Brontë, Paul Celan, Emily Dickinson, Georg Wilhelm Friedrich Hegel, Martin Heidegger, Friedrich Hölderlin, Franz Kafka, John Keats, Gertrude Stein, Simone Weil, and Virginia Woolf অসিনচিংবগী খুৎইশিংদগীসু ইন্সপিরেসন ফংখি অদুগা মহাক্কী ওইনা খুৎই অমদি খুৎলান্থোক অমা শেমজনবা হোৎনরকখি। মহাক্কী লাইরিকশিং শৈরেং ওই, ৱারেং ওই অমদি ক্রিতিসিজম ওইনা ইরকখি।
একাদেমি ওফ এমেরিকান পোইটসনা দিসেম্বর ১০, ২০২০দা ফোঙখিবা কার্সনগী শৈরেংনি ‘O Small Sad Ecstasy of Love’
“I like being with you all night with closed eyes./ What luck—here you are/ coming/ along the stars!/ I did a road trip/ all over my mind and heart/
And/ there you were/ kneeling by the roadside/ with your little toolkit/ fixing something./ Give me a world, you have taken the world I was.”
কার্সনগী য়াম্না মমিং চৎপা লাইরিকশিংগী মরক্তা 'Autobiography of Red: A Novel in Verse' (1998) অসিসু অপাবশিংনা শোন্নরিবা লাইরিকনি। লাইরিক অসি অইবিগী মাস্টরপিজনি হায়নরি। কার্সনগী খুৎই কমদৌনা খঙগদগে হায়রদি লাইরিক অসি পাবা মথৌ তাই। ইবগী খোঙচৎ অসিদা কার্সননা লিটরেরি ফোর্মশিংদা চাংয়েং কয়া তৌরগা ইবতা নত্তনা এক্সপরিমেন্টসু লেপ্তনা তৌরকখি। অদুনা তোপ তোপ্পা মহাও অমা অপাবশিংদা পীবা ঙম্লকপগী মরম অমসু ওইগনি। নেরেতিব স্কিল ফজনা লৈবা, অপাবশিংগী থম্মোয় হুবা ঙম্বা খুৎই অমনি 'Float' (2016) অসিমকসু। তোঙান তোঙানবা হিরমদা ইবা লমায় করিসু য়াম্না পান্দবা লাইরিক মচা ২২গী অপুনবা লাইরিক অসি পুন্না পাবদদি অপাবশিংদা নুংঙাইহনবা ঙম্মি। মসিনি মহাক্কী খূৎইগী মগুন। গ্রিক অমদি ক্লাসিকতা ত্রেন তৌরবী অইবী ওইবনা ময়েকনা তাবনি মহাকনা লীবা ৱারিদি অদুমক তানিংবা অমদি পানিংবা ফাওগনি। মসিদনি খেন্নরিবা।
এণ্ড কার্সনগী মবুং মাইকেল কার্সননা দিকেদ অনীগী মমাংদা লৈখিদবা অমদি মফম খঙদনা লৈখিবা মতম, অৱাবা নুংঙাইতবা পুন্সিগী তাংককশিং অদুদা য়ুম্ফম ওইদুনা মচল অমনা মবুং অমগীদমক ৱাজখিবা, মদুদা থানখিবা চিঠী, অরিবা ফোটোশিং, নিংশিং খুদমশিংনচিংবা পুল্লপ পুনশিল্লগা নিংশিং লাইরিক মেমোইয়র ওইনা পুথোক্লকপা লাইরিক 'Nox' অসিদা ইন্দিয়াগী কাস্মিরগা লৈনরম্বা মরি অমসু য়াওরমলি। দ্রগকা মরি লৈনবা কেস অমগী এণ্ডগি মবুং মাইকেল কানাদা থাদোক্তুনা ১৯৭৯দা মীরোৎ ওইখি। ইন্দিয়া অমদি য়ূরোপকী লৈবাকশিংদা চৎথোক-চৎশিন তৌখি। মতম কুইনা ইমুং মনুংগা পাউ ফাওনখিদে। য়াম্না তাংনা য়ুমদা লাকখি। ২০০০দা মাইকেলনা মচননুপী এণ্ডদা দেন্মার্ক্তগী ফোন তৌরকখি মহাক উনবা লাকনবা হায়রকখি। মরক অসিদা এণ্ড কার্সননা মবুং উননবা হোৎনরিঙৈদা মাইকেল লৈখিদবগী পাউ তারকখি। অসিগুম্বা থৌদোক অসিদা য়ুম্ফম ওইদুনা ইখিবনি ‘নোক্স’ হায়না মিংথোনবা নিংশিং ৱারি অসিমক। ইপিতাফ ওইনা ইবা মখলগী লাইরিক অসি ইবদা রোমান পোইট Catullusকী খুৎইসিগী ইথিলসু ফংখি। মরমদি অইবা কেটূলসকিসু মহাক্কী মনাওনুপা অমা লংফৈদা লৈখিদবদা ইলেজি অমা ইখি। মসিমক য়াম্না নুংশিবা থৌদোক অমসু ওইখি। মীওইবগী পুন্সি অসিমক খন্থরুবদি নুংশিবনা পীক থল্লি। লাক্লিবা খুদিংমক নোংমা লোয়না হনখিগনি। নিংশিংবা অমসুং নিংশিংবা তম্বা অসিমক থাদোকফদ্রবা মীওইবগী মচৎনি। মসি য়াওদবদা পুন্সিসু মপুং ফাদে।
১৯০১দ্গী স্বুইদিস একাদেমিনা পীবা হৌরকখিবা নোবেল প্রাইজ অসিমকনা মীওইবা খুনাইদা খ্বাইদগী য়াইফথোইরবা থবক কয়া থৌরম কয়া পাঙথোকপদা তেংবাংলদুনা লাক্লি। চহী অমদা পীরিবা নোবেল প্রাইজ অসি পুন্না হীরম ৬তনি। হীরমশিং অদুদি- ফিজিক্স, কেমিস্ত্রি, মেদিসিন, লিটরেচর, পিজ অমদি ইকোনোমিক সাইন্সনি। ২০২৬গী লিটরেচরদা হন্দক কনাদাগী অইবী এণ্ড কার্সননা ফংলিবা অসিনা ১২৩শুবা মশিংনি। কানাদাগী ওইনা য়াম্না চাওথোকচনিংঙাই ওইরিবদি ২০১৩দসু মমিং লৈরবী অইবী এলিস মুনরোদা লেমজনিংঙাই ওইরবা নোবেল প্রাইজ ইন লিটরেচর অসিমক পীদুনা ইকায়খুম্নখ্রবনি।
ইন্ডিয়া অমদি মনিপুরী খোরিলোলগীসু ত্রান্সলেসন তৌদুনা মরু ওইনা ইংলিস্তা ফোংবগী ইহৌ অসি খোঙজেল য়াংহনবা তঙাইফদে। লমদম অসিদা ইনরিবা অইবশিংগী খুৎই অসিসু তোপ তোপ্পা মহাওনি হায়বসি অৱাংবা ফিদাদা পুখৎপা মথৌনি।
0 কমেন্ট:
কমেন্ট তৌবিয়ু