আপডেট:
image

হৌরকফম মণিপুরনা থেংনরিবা অৱাবদা ত্রিপুরাদগী নুপী অইবী মাইকৈদগী মতেং

 আগরতলা, ৬ অক্টোবর : থা মঙা হেল্লবা কুকী মিলিটেন্টশিংগী থৌওং অমদি কাঙলুপকী ঈরাংনা মরম ওইরগা মণিপুরনা থেংনরিবা অৱাবা অসিনা মপান মণিপুরদা ঈ-গী মরি লৈনরিবা খুন্নাইচাশিংদসু থম্মোয় শোক্না  নুঙাইতবা ফাওরি। হৌরকফম মণিপুরনা থেংনরিবা অৱাবসিদা মপান মণিপুরগী মাইকৈদগী তোঙান তোঙানবা লুপ সংস্থা লন্নাই মীওই কয়ানা মাগী মাগী অঙম্বা মতেংসু পাংনরক্লি।

হৌরকফম মণিপুর লৈবাক অসি কায়দনবা অমদি অপুনবা মণিপুর শাগৎপদা মরৈবাক ঙাক্লিবশিংবু পুক্নিং থৌগৎপীবগা লোয়ননা ত্রিপুরাদগীসু খুন লৈকাই য়ুমথোং কয়াদগী চেং খুয়া (মুৎ) অহুম/অহুম তৌনা পুথোক্নদুনা লোয়ননা নুপী অইবীশিং খক্তগী ওইনা শেলগী তেংবাংসু খোমগৎখ্রে। মুৎ অহুম তৌনা কারকপা চেং অমসুং নুপী অইবীশিংনা পুথোকপা শেল অদু রাইটার্স অব মণিপুরদা শিন্নরুগনি হায়না ত্রিপুরাগী শক্নাইরবী অইবী খোইস্নাম বীরলানা ফোঙদোরক্লি। লাক্লিবা অক্টোবর তাং ১০ ইম্ফাল থোক্কনি, মতমদুদা শিন্নগনি হায়না পাউ অসিনা মখাতানা হায়রি।

সোর্স: মরূপ 

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: