• 573
• ৪ঠা অক্টোবর ২০২৩ ইং
• Share on:

মেরাগী থানিন (পূর্ণিমা) নুমিৎতা পাঙথোক্কদৌরিবা ‘মণিপুর শৈরেংগী নুমিৎ, ২০২৩’ মণিপুরী লোলগী শক্নাইরবা অশৈবা (কবি) অহুম ইকাইখুম্নবা উৎক্কদৌরি

ইম্ফাল, ওক্টোবর ৩ : লাক্লিবা মেরাগী থানিন (পূর্ণিমা) ওক্টোবরগী তাং ২৮, ২০২৩ থাংজ নুমিত্তা পাঙথোক্কদৌরিবা ‘মণিপুরী শৈরেংগী নুমিৎ, ২০২৩’ তা মণিপুরী লোলগী শক্নাইরবা শৈরেং ইবা অশৈবা (কবি) অহুম: ১) য়েংখোম বিহারি, ককচিং ২) আই এস কাংজম (ইবোহল সিংহ কাংজম), নাউরেমথোঙ, ইম্ফাল অমসুং ৩) খাঙেম্বম ইবেতোন, বিষ্ণুপুরবু ইকাইখুম্নবা উৎলগনি হায়না ফিক্সন এন্দ পোইট্রি ক্লাব, মণিপুরনা থাদোরকপা চেরোল অমনা খঙহল্লক্লি।

ক্লাব অসিনা ইকাইখুম্নবা উৎচগদৌরিবা অসি শক্নাইরবা অশৈবা (কবি) অহুম অসিনা মণিপুরী শৈরৈংগীদমক শাংলবা চহী কয়া অমা কত্থোকপগা লোয়নন লৌবিরকখিবা থৌদাংশি অদুবু শকখঙজবা অমদি অৱাংবা থাক্তা মমল লৈনা লৌজবা ওইননি হায়নসু মখা তানা ফোঙদোরক্লি। ফিক্সন এন্দ পোইট্রি ক্লাব, মণিপুরনা ইকাইখুম্নবা উৎক্কদৌরিবা অশৈবা (কবি) যেংখোম বিহারি, ককচিং, কুমজা ১৯৩৯ দা ককচিং খুলেন মখা লৈকাইদা পোকই। হৌজিক ফাওবদা শৈরেংগী লাইরিক তরুক ফোঙখ্রে।

কাংজম (ইবোহল সিংহ কাংজম), নাউরেমথোঙ: কুমজা ১৯৪৬ তা পোকই। পূন্না লাইরিক ৩০গী মথক্তা ফোঙখ্রে। অনৌবা মণিপুরী শৈরেংগী খোঙচত্তা অচৌবা মফম অমা কল্লিবা অশৈবনি। হৌজিক ফাওবদা শৈরেংগী লাইরিক মরি ফোঙখ্রে।
খাঙেম্বম ইবেতোন, বিষ্ণুপুর : কুমজা ১৯৪৭ তা পোকই। হৌজীক ফাওবদা মণিপুরী খোরিরোলদা পূন্না লাইরিক ৩০ গী মথক্তা ফোঙখ্রে। মসিগী মনুংদা শৈরেং অনী, সোন্নেট সিক্বেন্স অহুম, ঈশৈ শৈরেং তরুক, ঈশৈ সিক্বেন্স মরি য়াওরি হায়রি।

লাক্লিবা মেরাগী থানিন (পূর্ণিমা) ওক্টোবরগী তাং ২৮, ২০২৩ থাংজ নুমিত্তা পাঙথোক্কদৌরিবা ‘মণিপুরী শৈরেংগী নুমিৎ, ২০২৩’ কী শরুক অমা ইকাইখুম্নবা উৎক্কদৌরিবা শক্নাইরবা অশৈবা (কবি) অহুম অসিগী মফমদা ফিক্সন এন্দ পোইট্রি ক্লাব, মণিপুরগী মায়কৈদগী শকখঙচে অমা, শ্বাল অমা অমসুং অচম্বা খুদোলপোৎশিং পীগনি হায়রি।

সোর্স: সঙাই এক্সপ্রেস