আপডেট:
image

খোয়াই গৌরনগরদা প্রোঃ বিমল অকোইজম ‘ঈ-গী মরী লৈদুনবু নুঙাইতবা ফাওরিবনি’

আগরতলা, ০৬ অক্টোবর : চহী কয়ারোম মমাংদগী ত্রিপুরাদা লৈরক্লবা মৈতৈ ফুরূপনা মখোয়গী হৌরকফম মণিপুরদা ঙসি ওইরক্লিবা ফীভম অসিদা থম্মোয়দা নুংঙাইতবা ফাওরিবা অসিমক ঈগী মরী লৈবদুননি। ৱাফম অসি চৎখিবা অক্টোবর  ১, গৌরনগরদা ওল খোয়াই মীতৈ অপুনবা লুপ, ত্রিপুরানা শীন্দুনা পাঙথোকখিবা গেট-টুগেডার থৌরম অমদা জেএন ইউনিভার্সিটি নিউ দিল্লীগী ওঝা প্রোঃ অকোইজম বিমলনা ফোঙদোকখিবনি।

মণিপুরগী ৱাংমদা আসাম, ত্রিপুরা, ম্যানমার, বাংলাদেশ নচিংবা মফমশিংদা খুন্দানা লৈখ্রবা ফুরূপ অসিগী ৱাফম পল্লদুনা মহাক্না মখাতানা হায়খি, ঐগী পুন্সিগী অয়াম্বা শরুকতি মণিপুর মপান্দা লেনবনি। ফুরূপ অসিগী চৎন পথাপ, লোল, নাৎ, ধর্ম নচিংবা মুৎতনবা মৈতৈশিংনা লীংজেল অমত্তদা অপুনবগী শক্তম অমদা লৈবা তায় হায়বা ৱাফম মহাক্না ফোঙদোকপীরম্মী।

খুন্নাইগী শক্নাইরবা এম শচীন্দ্র দত্তনা মীফম মপু ওইরগা গেট টুগেদার থৌরম অদু লুপকী জেনারেল সেক্রেটারী এন বিভাস সিংহনা ওয়েলকাম এড্রেস পীখি। থৌরম অদুদা ডি.এম ইউনিভার্সিটি এসিঃ প্রোঃ ড. ননি অরাম্বম, আই.সি.এ আর সাইন্টিষ্ট ড. হুইরেম ভারতী, ক্ষেত্রিময়ুম রাজীব, লিটরেরী এন্ড কালচারেল ফোরামগী সেক্রেটারী কেএইচ মংগল, এন মদন গুপ্ত, সাহিত্য একাদেমিগী মণিপুরী বোর্ড মেম্বার খোইস্নাম বীরলা, লময়ানবা সংস্থাগী সেক্রেটারী ক্ষেত্রিময়ুম মাধবী নচিঙবা শরুক য়াখি।

থৌরমদা মরু ওইনা হৌজিক ওইরিবা মণিপুরগী ফীভমদা নৈনদুনা ৱা ঙাংনখি। নুমিৎ মরিনগী খোঙচৎতা ত্রিপুরাদা প্রোঃ বিমল অকোইজমনা লমদম অসিগী অহলশিং কয়াগসু উন্নদুনা ৱারী শান্নখি। গৌরনগরদা খিন্না লৈবা নুপীলালগী ষ্টেচু অমসুং পাউনা ব্রজবাসী মীতমদসু লৈসু কৎতুনা ইকাইখুম্নখি।

সোর্স: মরূপ 

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: