• 536
• ১৩ই মার্চ ২০২৪ ইং
• Share on:

লেমজনিংঙাই ওইরবা কলিঙ্গা লিটরেরি ফেস্তিভেল বুক এৱার্দ ফংলবা রোবিন এস ঙাঙোম  - -তোংব্রম অমরজি

... ১০শুবা কালিঙ্গা লিটরেরি ফেস্তিভেল অসি মরু ওইনা Odisha Media Info Service (OMIS) Private Ltd অমসুং Odisha Diary Foundation (ODF) না পুন্না খূৎশম্নদুনা Kalinga Literary Festival (KLF) চহী অসিগী হৌখিবা ফেব্রুৱারি ৯,১০,অমসুং ১১, ২০২৪দা পাঙথোকখি। থিম্না “Legends of Ancient Bharat and Beyond: Inspiring Lived Experience in the 21st Century.” হায়বসিদনি। অসিগুম্বা থিম অসিদা লিটরেরি ফেস্তিভেল পাঙথোকপসিনা ইন্দিয়াগী শকনাইরবা অইবশিংগা, একাদেমিসিয়ানশিং, পোলিতিকেল অমসুং সোসিয়েল এক্তিভিস, লো-মেকরস, লৈঙাক্কী ওফিসিয়েলশিং, কোপোর্ড়েট লিদরশিং, মহৈরোইশিং ওজাশিং, তোঙান তোঙানবা বেকগ্রাউন্দগী লাকপা মীওইশিং পুম্নমক প্লেটফোর্ম অমদা পুল্লপ শকখঙনদুনা ৱারি শাদুনা হেন্না ফজবা নিংথিবা চংখোনবা ৱাখল্লোন ফোঙদোক্তুনা অফবা মালেম অমা শেম্বদা থৌদাং লৌমিন্নবগী তাঞ্জা অমা পীরি। চহী খরসিদা কে এল এফ অসি কুমওণ খুদিং পাঙথোকপা য়াম্না মরু ওইবা ফ্লেগশিপ ইভেন্ট অমা ওইরক্লি অমসুং ওডিশাগী কলচরেল কেলেন্দরদা য়াওদুনা লাক্লি। মসিনা হৌরক্লিবা নহারোলশিংদা লাইরিক লাইশু পাহন্নিংবা পোকহনবতা নত্তনা মমালোল অমসুং মখোয়গী কলচর অমসুং ত্রেদিসনবু হেন্না ইনোৎ হাপ্পদা থৌনা পীরি। কুমসি চহী পাঙথোকখিবা কালিঙ্গা লিটরেরি ফেস্তিভেল অসিদা শকনাইরবা স্পিকর ৪০০ হেন্না শরুক য়াখি। মসিদা কবিশিং, ম্যুজিক্সিয়ানশিং, আর্তিসশিং অমসুং পার্ফোর্মরশিং য়াওরি। হায়রিবা ফেস্তিভেলসিদা  তোঙান তোঙানবা থৌরমশিংগা লোয়ননা পাঙথোকপা অহুম্লক শুবা কলিঙ্গা লিটরেরি ফেস্তিভেল বুক এৱার্দ রোবিন এস ঙাঙোমগী My Invented Land: New and Selected POEMS দা পীদুনা নেস্নেলগী থাক্তা ইকায়খুম্নবা উৎখি  

ইন্দিয়াদা খ্বাইদগী চাওবা খোরিলোলগী ওইবা ফেস্তিভেল অমা ওইরিবা  কলিঙ্গা লিটরেরি ফেস্তিভেল ইং ২০১৪দগী অহানবা ওইনা ওডিশাগী শকনাইরবা মেদিয়া এন্ত্রেপ্রেন্যুয়র- অইবা অদুগা মালেম শিনবা থুংনা মমিং লৈরবা রাসমি রঞ্জন পারিদানা ফাউন্দর অমসুং প্রেসিদেণ্ট ওইদুনা পাঙথোকপা হৌখি। ফেস্তিভেল অসি পাঙথোকপগী পান্দমদি ওডিয়া লোল, খোরিলোল অমসুং কলচরবু মালেমগী থাক্তা চাওখৎনবা হোৎনবনি। নিংশিংবা য়াবদি হায়রিবা ফেস্তিভেল অসিগী ফাউন্দর রাসমি রঞ্জন পারিদা মশামক অসি ওডীয়াদা ওনলাইন জর্নেল্লিজমগী লমদা পাইওনিয়রনি। মহাকনা মমালোল নুংশিজবা অমসুং মসিবু চাওখৎহন্নিংবগী ৱাখল্লোন্দা চাওখ্রবা ইন্তরনেস্নেল থাক্কী লিটরেরি ফেস্তিভেল অসিমক পাঙথোকনবগী মঙ মঙদুনা মঙফাওননবা হোৎনখি। নহা ওইরিবা ওডিয়াগী অইবশিংবু অঙম্বা থাক্তা তেংবাংদুনা পুকনিং থৌগৎলি। এৱার্দশিং লিংখৎলি। মিস্তিক কালিঙ্গা হায়না মিংথোন্দুনা শৈরেংতগী ফেস্তিভেল ফাওবা পাঙথোক্লি।   
কে এল এফ হায়রগসু হেন্না খঙনবা ইন্টরনেস্নেল লিটরেরি ফেস্তিভেল অমা ওইরবা কালিঙ্গা লিটরেরি ফেস্তিভেল চহী খুদিংগী ওডিশাগী কোনুং ভুবনেস্বরদা তোঙান তোঙাণবা থিমদা হেক হেক পাঙথোক্লী। অসিগুম্বা চাওখ্রবা ফেস্তিভেল অসিদা KLF বুক এৱার্দ অমসুং অতোপ্পা লিটরেরি এৱার্দ অহুম অমসু পীরি। হায়রিবা এৱার্দশিং অদুদি কালিঙ্গা লিটরেরি এৱার্দ, কালিঙ্গা ইন্টরনেস্নেল লিটরেরি এৱার্দ অমসুং কালিঙ্গা কারুবাকি এৱার্দনি। অসিগুম্বা এৱার্দ অসি ইন্দিয়াদা লৈরিবা শকনাইরবা অইবশিংদা মথং মথং পীদুনা অইবশিংনা খুনাইদা লৌরিবা মপাল নাইদ্রবা থৌদাং অসিবু শকখঙবা অমসুং ইকায়খুম্নবা উৎলদুনা লাক্লি।   
ইং ২০১৫দা পাঙথোকখিবা অনীরকশুবা কালিঙ্গা লিটরেরি ফেস্তিভেলদা ‘লিটরেচর এস রিফ্লেক্সন’ হায়বা থিমদা য়ুম্ফম ওইদুনা রোমান্তিসিজম অমসুং কণ্টেমপরেরি লিটরেচর, কণ্টেমপরেরি লিটরেচরদা ফেমিনিজম, পেরেল্লেল সিনেমা অমসুং কণ্টেমপরেরি লিটরেচর, দালিট অমসুং ত্রাইভেল লিটরেচর, মেদিয়া, ভাশা সাহিত্য ভর্সেস ইংলিস লিটরেচর অসিনচিংবা  তোপিক কয়াদা পাঙথোকখি। অহুমশুবা কে এল এফকি থৌরম্না ২০১৬দা অমুক পাঙথোকখি। মসিদা স্পিকর ১০০ হেন্না শরুক য়াখি। হীরম কয়াদা পুকনিং থৌগৎনিংঙাই ওইরবা তোপিকশিংদা খন্ন-নৈনখি। নহা অইবশিংগী অখন্নবা সেসনসু হাপ্তুনা নহারোলশিংবু পুকনিং থৌগৎলি। ফেস্তিভেল অসিগি মরিশুবা ইদিসন অসি ২০১৭দা শকনাইরবা অইবা সিতাকান্ট মহাপাত্রা অমসুং রামাকান্তা রাঠনা হৌদোকখি জুন ১০দা। মরিশুবা ইদিসন অসিগী থিম্না ‘লিটরেচর ফোর পীজ এণ্ড হার্মোনি’ হায়বসিদা য়ুম্ফম ওইখি। জুন ১০-১২ ফাওবা পাঙথোকখিবা নুমিৎ হুম্নিগী ফেস্তিভেল অসিদা শকনাইরবা স্পিকর ২০০ হেনবনা শরুক য়াখি অমসুং লিটরেরি এৱার্দ অনী- কালিঙ্গা কারুবাকি এৱার্দ অমসুং কালিঙ্গা ইন্টরনেস্নেল লিটরেরি এৱার্দ পীবা হৌখি। মঙাশুবা ফেস্তিভেলনা ২০১৮গী জুন ৮-১০ফাওবা পাঙথোকখি। মসিদা স্পিকর ৩০০ হেনবনা শরুক য়াখি। শকনাইরবা অইবা অমিশ ত্রিপাঠি, জয়ান্তা মাহাপাত্রা, রামাকান্ত রাঠ, গৌরাহরি দাস অসিনচিংবা কয়ানা শরুক য়াখি। অসুম্না কালিঙ্গা লিটরেরি ফেস্তিভেল অসি মথং মথং পাঙথোকতুনা লাক্লি। তরুকশুবা ফেস্তিভেল অসিগী থিম্না ‘গান্ধিস আইদিয়া ওফ ইন্দিয়াঃ ত্রুট, নন ভাইওলেন্স, হার্মোনি’ হায়বসিদা পাঙথোকখি। 
ইন্দিয়াগী ওইনা খ্বাইদগী চাওবা কালিঙ্গা লিটরেরি ফেস্তিভেল অসি পাঙথোকপগী মরমসু ইন্দিয়াগী ইনাকখুল্লবা কলচর, মসিগী য়াম্না লিরবা সাভ্যতা অসিমক শেমগৎলকপদা কালিঙ্গদা য়াওদনা লাক্তে। মালেমগী পুৱারিদা অমসুং ইন্দিয়াগী পুৱারিদা কালিঙ্গা হায়রিবা থায়নগী নিংথৌ পানবা লৈবাক অমা ওইনা মমিং লৈরম্বা ঙসিনা ওডিশা স্তেট ওইরিবা লমদম অসিগী ইনাকখুল্লবা লোল ময়েক অসিমক য়োকখত্তবা য়াদে হায়না ফেস্তিভেল অসিগী পান্দম থম্লি। মসিগা লোয়ননা খোরিলোলগী মেদিয়মদা মালেমদা মখোয়গী লোল অমসুং কলচরবুসু মশক তাক্তবা য়াদে হায়বা ৱাখল্লোন্দা চেৎনা থাজবা থম্লি। ইন্দিয়াগী লৈরিবা স্তেট কয়াগী মরক্তা ওডিশাসু মাংজিল থানা চাওখৎ লম্বেলদা চংশিন্দবা য়াদে হায়বসিদা হোৎনরি। অসিগুম্বা ফিভম অসিদা লিটরেচরনা থোং ওইদুনা পুৱারী, ঙসি অমসুং হৈয়েং হায়বসি শম্নদুনা চৎনবা আশা কয়াগা লোয়নদুনা চাওরবা থৌশিল থৌরাং কয়া পায়খৎলি। 

ওডিয়া লোল অসিমক য়াম্না চাওথোকচনিংঙাই ওইরবা লোল অমা ওইরিবনি। মরমদি ইন্দিয়াগী ক্লাসিকেল লেঙ্গ্যুএজ মরক্তা ওদিয়াসু অমনি। লোল অসি ইনাক খুল্লি। ওড়িশাগীসু চহী লীশিং অনী হেনবগী ত্রেদিসন লৈজবগী চাওথোকচরি। স্মার্ট সিতি প্রোজেক্টা ওডিশাগী কোনুং মমিং চৎলবা সহর অমা ওইবা ঙম্লি। হোৎনবা লেপ্তে। মরমদি ওডিশাদা লৈরিবা মীয়াম্না মমালোল নুংশি, মখোয়গী ইনাকখুল্লবা কলচর অমসুং ফিদম্নিংঙাই ওইরবা ত্রেদিসন অদু মালেমদা মশক তাকনিংই। তেম্পল সিতি হায়রগসু হেন্না খঙনবা ভুবনেস্বরনি। মসিদা কালিঙ্গা লিটরেরি ফেস্তিভেল শিনবা অসিমকসু য়াম্না চুনবা অমসুং শিংথানিংঙাইনি। অদুনা ১০শুবা কালিঙ্গা লিটরেরি ফেস্তিভেল অসি মরু ওইনা Odisha Media Info Service (OMIS) Private Ltd অমসুং Odisha Diary Foundation (ODF) না পুন্না খূৎশম্নদুনা Kalinga Literary Festival (KLF) চহী অসিগী হৌখিবা ফেব্রুৱারি ৯,১০,অমসুং ১১, ২০২৪দা পাঙথোকখি। থিম্না “Legends of Ancient Bharat and Beyond: Inspiring Lived Experience in the 21st Century.” হায়বসিদনি। অসিগুম্বা থিম অসিদা লিটরেরি ফেস্তিভেল পাঙথোকপসিনা ইন্দিয়াগী শকনাইরবা অইবশিংগা, একাদেমিসিয়ানশিং, পোলিতিকেল অমসুং সোসিয়েল এক্তিভিস, লো-মেকরস, লৈঙাক্কী ওফিসিয়েলশিং, কোপোর্ড়েট লিদরশিং, মহৈরোইশিং ওজাশিং, তোঙান তোঙানবা বেকগ্রাউন্দগী লাকপা মীওইশিং পুম্নমক প্লেটফোর্ম অমদা পুল্লপ শকখঙনদুনা ৱারি শাদুনা হেন্না ফজবা নিংথিবা চংখোনবা ৱাখল্লোন ফোঙদোক্তুনা অফবা মালেম অমা শেম্বদা থৌদাং লৌমিন্নবগী তাঞ্জা অমা পীরি। চহী খরসিদা কে এল এফ অসি কুমওণ খুদিং পাঙথোকপা য়াম্না মরু ওইবা ফ্লেগশিপ ইভেন্ট অমা ওইরক্লি অমসুং ওডিশাগী কলচরেল কেলেন্দরদা য়াওদুনা লাক্লি। মসিনা হৌরক্লিবা নহারোলশিংদা লাইরিক লাইশু পাহন্নিংবা পোকহনবতা নত্তনা মমালোল অমসুং মখোয়গী কলচর অমসুং ত্রেদিসনবু হেন্না ইনোৎ হাপ্পদা থৌনা পীরি। কুমসি চহী পাঙথোকখিবা কালিঙ্গা লিটরেরি ফেস্তিভেল অসিদা শকনাইরবা স্পিকর ৪০০ হেন্না শরুক য়াখি। মসিদা কবিশিং, ম্যুজিক্সিয়ানশিং, আর্তিসশিং অমসুং পার্ফোর্মরশিং য়াওরি। হায়রিবা ফেস্তিভেলসিদা  তোঙান তোঙানবা থৌরমশিংগা লোয়ননা পাঙথোকপা অহুম্লক শুবা কলিঙ্গা লিটরেরি ফেস্তিভেল বুক এৱার্দ রোবিন এস ঙাঙোমগী My Invented Land: New and Selected POEMS দা পীদুনা নেস্নেলগী থাক্তা ইকায়খুম্নবা উৎখি। 

                         রোবিন এস ঙাঙোম

অসিগুম্বা লেমজনিংঙাই ওইরবা মনা অসি ফংলবা রোবিন এস ঙাঙোম ১৯৫৯দা ইম্ফালদা পোকখি। মনিপুরী অমসুং ইংলিস লোল অনীমক্তা ফজরবা শৈরেং ইবা মমিং লৈরবা কবিনি। ইম্ফালদা হাইস্কুল লোয়শিল্লবা মতুংদা শিল্লোংগী সেন্ট এডমণ্টস কোলেজদা ইংলিস লিটরেচর তম্লকখি অমসুং নোর্থ ইস্তর্ন হিল য়ুনিভর্সিতিদা ইংলিস লিটরেচর তাকপিবগী থবক তৌরি। মহাক্কী অহানবা শৈরেংগী লাইরিক Words and the Silence  ১৯৮৮তা ফোঙখি।  মসিগী মতুংদা শৈরেং লাইরিক অনী অমসুং ত্রান্সলেসনগী লাইরিক অমসু ফোঙখি। ইং ১৯৯৫তা য়ূ কে ইয়র ওফ লিটরেচর এন্ড রাইতিংগী থৌরম য়াওনবা বর্ত্তন তৌরক্তুনা য়ূকেদা চৎখি। ইন্দিয়া মনুংদা অমসুং মালেমগী থাক্তা পাঙথোকপা শৈরেং শৈদিন্নবা থৌরমশিংদা শরুক য়াদুনা লাক্লি। মহাক্কী শৈরেংশিং মমিং লৈরবা এন্থোলোজীশিংদা ফোঙদুনা মনিপুরী কবি অমা ওইনা শক্তাকতুনা লাক্লি ঙসি ফাওবা। অদুগা য়াম্না শিংথানিংঙাই ওইরবা শৈরেংগী এন্থোলোজিশিংসু ফোঙদুনা লাক্লি। ‘Dancing Earth- An Anthology of Poetry from North- East India’ লাইরিক অসিমক রোবিন এস ঙাঙোম্না কো এদিটর ওইদুনা ফোঙখি। মহাক্কী মনা ফংলবা লাইরিক ‘My Invented Land’ শৈরেং লাইরিক অসিদা পুন্না শৈরেং ৮২ য়াওবা থেংনগনি। কনতেম্পরেরি সোসাইতি, ইতিহাস, পোলিতিক্স, কলচর ত্রেদিসন পুম্নমক কোনশিন্দুনা ইরবা শৈরেং অসিবু Adil Jussawalla অসুম্না শিংথানদুনা ইরক্লি,  ‘Ngangom is one of the few poets who can write well on both politics and love and not be afraid of showing their links’ রোবিনগী শৈরেংদা ফোঙদোক্লিবা শেংলবা থম্মোয় পাউদম, পুন্সিগী মৈচাক, খুনাইগী হৌজীক ওইরিবা শক্তমদা John Oliver Perry অসুম্না হায়রকপসু থেংনৈ, ‘ Robin S. Ngangom exhibits in [his]… poems a genuine talent for modern celebrations of love-longing and social and personal lament’ 
মোদর্ন মনিপুরী কবিশিংগী শৈরেংশিংবু মপাল লমদা মশক তাকনবা হোৎনবদা রোবিন এস ঙাঙোমসু চাওরবা থৌদাং লৌদুনা লাক্লি। মহাক ত্রান্সলেসনগী লমদসু শিংথানিংঙাই ওইনা খুদোল তম্লি। নীংশিংবা য়াবদি মহাকনা ত্রান্সলেসনগী লমদা তৌরিবা শিংথানিংঙাই ওইরবা থবক অসিবু শকখঙবা ওইনা সাহিত্য থৌপাং লূপ, ইম্ফালনসু ২০১৩দা ইন্টরনেস্নেল ত্রান্সলেসন দেগা মরি লৈননা পাঙথোকপা থৌরমদা সর্দা ত্রান্সলেসন এৱার্দ পীদুনা ইকায়খুম্নবা উৎখি। ২০২৪গী মার্চ ১১-১৬ ফাওবদা পাঙথোক্কদবা মালেমগী খ্বাইদগী চাওবা লিটরেচরগী ফেস্তিভেল অমা ওইরিবা সাহিত্য একাদেমিগী ফেস্তিভেল ওফ লেটর্সকি ‘মলতি লিঙ্গ্যুএল পোইত্রি রিদিংগী সেসনদা শকনাইরবা লমদম অসিগী অশৈবা রোবিন এস ঙাঙোম্না চেয়র লৌগদৌরি। মসিমক কয়াদা চাওথোকচনিংঙাই ওইরিবনো। লেপ্পা লৈতনা মনিপুরী খোরিলোল মশক তাকপদা অইবশিংগী থৌদাং য়াম্না চাওই। থৌনা লৈনা চংশিনবা মথৌ তারি ঙসিগী মীরোলনা।