আপডেট:
image

এম এম এ ফাইতর চুংগ্রেংনা ঈরাং নংলিবা মণিপুরদা প্রাইম মিনিস্তরবু অমুক্তং লাকপীনবা তকশিনখ্রে

ইম্ফাল, মার্চ ১১ : মণিপুরগী এম এম এ ফাইতর চুংগ্রেং কোরেন্না মেত্রিক্স ফাইত নাইত ১৪ দা ইন্তরিম বেন্তমওয়েত ৱার্ল্ড চেম্পিয়ন মোহমদ ফরহদাপু নোকআউত্তা মায়থীবা পীখ্রবা মতুংদা পূক্নিং নুংশিনা কাংলূপকী ঈরাং নংলিবা মণিপুরদা শান্তি হঞ্জহন্নবা লৈবাক অসিগী প্রাইম মিনিস্তর নরেন্দ্র মোদিবু মহাক্কী স্তেততা অমুক্তং লাকপিনবা তকশিনখ্রে।

য়ুপিগী নোইদা ইন্দোর ষ্টেদিয়ামদা মার্চ ৯ দা পাঙথোকখিবা ফাইত নাইত অদুদা কাংপোকপী দিস্ত্রিক্তকী কামু কোইরেং খুন্দগী চুংগ্রেং কোরেন্না ইন্তরিম বেন্তমওয়েট ৱার্ল্ড চেম্পিয়ন মহম্মদা ফরহাদপু মিনিত ৩ গা সেকেন্দ ৪৮ খক্তদা নোকআউত্তা মায়থীবা পীখি।

                                             এম এম এ ফাইতর চুংগ্রেং কোরেন

মেত্রিক্স ফাইত নাইত অদুগী বাউত অদু মায় পাকখ্রবা মতুংদা পূক্নিং নুংশিরবা মতৌ অমদা চুংগ্রেন কোরেন্না ৱা ঙাংবগী ভিডিও ক্লিপ অমা সোসিয়েল মিদিয়াদা চায়থোরকখি। ভিদিও অদুদা কাংলূপকী ঈরাংনা শোকহল্লবা নোর্থ ইস্তার্ন স্তেত মণিপুরদা প্রাইম মিনিস্তর ভিজিত তৌদুনা স্তেত অসিদা শান্তি হঞ্জলহনবিয়ু হায়না আপিল তৌখি।

মহাক্কী পূকচেল তিংলবা মতৌ অমা ঊৎথোক্তুনা ইভেন্ত অদুদা ৱা ঙাঙলদুনা চুংগ্রেংনা হায়খি, মসি ঐগী পূকচেল তিংলবা রিক্বেস্তনি। মণিপুরদা ঈরাং থোক্লি। মসি চহী অমগী ময়া ফাজিল্লক্লে। মীওই কয়া শিরি অমসুং মীওই কয়া অমনা রিলিফ কেম্পতা চঙজফম লৌরি। রিলিফ কেম্পশিং অসিদা চিঞ্জাক্কী অমসুং ঈশিং-মায়শিংগী অৱাৎপা মায়োক্নরি।

অঙাংশিং নীংথিনা মহৈ মশিং তম্বা ঙমদ্রে। তুংগী লাইবক তম্বা ঙমদ্রে। মোদি জি, অমুক্তং মণিপুরদা চৎপিয়ু অমসুং স্তেত অদুদা শান্তি হঞ্জিহলবিয়ু। মরকসিদা, কোরেন (কোইরেং) য়ুথ ওর্গানাইজেসন মণিপুরনা চুংগ্রেংনা মায় পাকপা অদুদা থাগৎপা অমসুং নুংঙাইবা ফোঙদোরক্লি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: