image

য়ুনাইটেদ নেসেন্সদা লিসিপ্রিয়া কাঙুজমবু ইকায় খুম্নবা উৎখ্রে

 

উমং কোকথোকপশিং ইন্টনের্সনেল ক্রাইম অমনি হায়না য়ু এননা লাওথোকপা মতম ওইরে : লিসিপ্রিয়া

রোম, ওক্টোবর ২১ : মলেমগী শক্লাইরবী চাইল্ড এনভাইরন্সেন্টেলিষ্ট লিসিপ্রিয়া কাঙুজমনা য়ুনাইটেদ নেসেন্সকী ৱার্ল্ড ফুদ ফোরম ২০২৩ গী ক্লোজিং সেরেমোনিদা কী নোট এসে পিদুনা মালেমগী লুচিংবশিংদা ৱা ঙাংখ্রে।
হায়রিবা থৌরম অদুদা মলেমগী মীয়াম্না মহাকপু মীনিট অনিরোম লেপখৎতুনা খুবাক খুদুনা ইকায় খুম্নবা উৎখি। মহাক্কী ৱাহৈ খরা অদুনা মলেমগী মীয়ামগী থম্মোয় শুমহৎপা ঙমখি।
মহাক্না মীতৈ অসি ইন্দিয়াগী ত্রাইবেল গ্রুপ অমনি হায়বা ইহান হান্না থমখি। মহাক্কী ঈসু মীতৈগী ঈনি হায়খি। স্কুল চৎকদবা পিক্লিবা নুপীমচাশিং অথাপ্পা মফমদা ঈশিং শোকপা চৎলিঙৈ স্কুল কাবা ঙমদ্রে, চেল্লম্বা তুরেল কয়া কংখ্রে, শংলম্বা চিংশাং কয়া মরু কোকখ্রে হায়না পাউদমখি।
উমং কোকথোকপশিং ইন্টনের্সনেল ক্রাইম অমনি হায়না য়ু এননা লাওথোকপা  মতম ওইরে। উমং কোকথোকপা অসিসু ক্লাইমেট চেঞ্জ থোকহন্নবগী অচৌবা মরম অমনি। তোইনা ইকং থোকপা, ঈশিং ইচাও কয়া থোকপনা মীওই কয়া চাবা ফংদ্রে, চিঞ্জাক মরাং কায়না পুথোকপা ঙমহ‌ন্দ্রে হায়না ফোংদোকখি।
হায়রিবা থৌরম অসিদা মলেমগী লৈবাক ১৮০ রোমদগী লাকপা লুচিংবা লিশিং কয়ানা শরুক রাখি। লিসিপ্রিয়ানা মমাং চয়োলদসু পেরিসকী মীয়ামদা ৱা ঙাংখি অমদি য়ুরোপিয়ন য়ুনিয়ন দসু মণিপুরগী ৱাফম কয়া পুথোকখিবনি।
লিসিপ্রিয়ানা তিল্লিবা মীয়ামদা হায়খিবদা, নাখোয়না খল্লিবা নিংখা তম্বা অসি তাইওন্নরে। নিংখা তম্বা হায়বা অসিগী অশেংবা ৱাহন্থো‌ক্তি নহাক্না মহৌশাগী খলবু ঙাকপা ঙম্লবা, নহাক্কী নচা নশুশিংগী তুংগী অশা অমদি হকচাকশিং নাহন্দনা থম্বা ঙম্লবা, নহাক্না ইবা পাবা হৈরবা লোয়ননা নহাকপু কনাগুম্বা মীওই অমত্তনা হন্থনা য়েংবা ঙমদ্রবা অমদি নহাক্কী পুক হাংদ্রবা মতম অদুদা খক্তনি। মসিবু ফংনবা ঐখোয় পুন্না লান্থেংমিন্নগদবনি হায়খি।
মহাক্না হায়, ঐখোয়গী লুচিংবশিংনা ক্লাইমেট অসি ঙসিসু সেরিয়াস ওইনা লৌদে। মখোয়না ইন্দিজিনস রাইটস অমদি এনভাইরন্মেন্ট এক্টিভিষ্টিশিংবু মচিন মেনবা য়ানবা ফাবা পুনবা খক্তনি ।

লিসিপ্রিয়ানা হায় নখোয়না মতম পুম্বদা নিংশিংগদবদি, নাহাক্কী অতাংবা গারি, ফজবা য়ুম অমদি য়াম্লবা শেল, লন থুম খুদিংমক অশিবদদি পুম্নমক অরেম্বনি। মশাগী শেন্দোং খক্তং খনবা মলেম অসিবু মাংহল্লিবা অমদি মহৌশাগী খুৎশেম্বু মাং তাকহল্লিবা মীওইশিংনা পুৱারি ইবা ঐখোয়না খক য়ারোই। মহৌশা খুৎশেমগী ফজবা উবা ঙমদবা মখোয়দগী ঐখোয়না মলেম অসিবু কনবা চংই। নখোয়না ঐহাকপু নুংশিদবদি য়াই অদুবু নখোয়না অঙাং খুদিংমত্তা থক্নবা অফবা ঈশিং, শ্বর হোন্নবা অরুবা নুংশিৎ অমদি লু নানবা মলেম অমা পিগদবনি হায়না মহাক্না হায়‌খি।

আইরলেন্দগী প্রসিদেন্ট মাইকেল হিগিননা লিসিপ্রিয়াবু মহাক্কী স্পীচ তারবা মতুংদা থাগৎপা ফোংদোকখি। কোন্না মহাক্কসু পার্সোনেল ওইনা উনদুনা মণিপুরদা থোক্লিবা লান অসি কাৎলুপ মশেলগী লান নত্তে, হৌরকফম খংঙবা কুকি কৌবা নার্কো তেরোরিষ্টশিংনা মণিপুরদা মখোয়গী তোঙানবা লৈবাক অমা শেম্নবা লান্দারকখিবনি। মীতৈশিংদি মশা ঙাকথোকচবা খক্তনি হায়না পাউদমখি। থৌরম অদুদা উখ্রুলদগী তুংঙম্লা কৌবী তাংখুল নিঙোল অমসু শরুক য়ারম্বা থেংনবদা লিসিপ্রিয়ানা হরাওবা ফোংদোকখি। থাজবা য়াবা পাউ অমদা কুকি মাচা অমসু থৌরম অদুদা শরুক য়াবা লাকখি। অদুবু য়ুনাইটেদ নেসেন্সকী থৌরম অদুদা মহাকপু ৱা ঙাংনবগী তাঞ্জা পিখিদে হায়রি। লিসিপ্রিয়াদি অখন্ননা স্পিসিএল গেষ্ট ওইনা থৌরম অদুদা শরুক যানবা য়ুনাইটেদ নেসেন্সনা চেপাউ পিরকখিবনি হায়রি।  ‌সোর্স পান্দম

 

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু