মহারাজ গম্ভীরসিংহগী ২৩৬ শুবা মপোক কুমওন পাঙথোকখ্রে
ইম্ফাল, মার্চ ০৫ : ঙসি সিলচরদা লৈবা মণিপুরী বোইজ হোষ্টেলদা মহারাজ গম্ভীরসিংহগী ২৩৬ শুবা মপোক কুমওন থৌরম ওল আসাম মণিপুরী ষ্টুদেন্টস য়ুনিয়ন-সেন্ত্রেল কম্মিটি (আমসু-সিসি) না শিন্দুনা পাঙথোকখ্রে।
পাঙথোকখিবা মপোক কুমওন থৌরম অদুগা মরী লৈননা নোংমগী ওইবা ‘দি রোল ওফ মহারাজ গম্ভীরসিংহ ইন লিবরেটিং মণিপুর এন্দ ইটস রিলেবেন্ট রোল টু বি প্লেদ বাই দি মণিপুরী দাইস্পোরা ইন আসাম ফোর দি রেষ্টোরেসন ওফ পিছ ইনা মণিপুর’ হায়বা হিরমদা খন্না-নৈনবগী থৌরম অমসু পাঙথোকখি।
থৌরম অদুদা আমসু-সিসি গী এদভাইজর সাইখোম কমলাকান্তনা মীফম মপু, আমসু-সিসিগী প্রেসিদেন্ট ঙাসেপ্পম সনাহল, মণিপুরী লেঙ্গুয়েজ এদভাইজরি বোর্দকী মেম্বার ডো. কে এন চান্দ, এ সি এস তগী পোত্থারবা অরাম্বম নন্দবাবু অমদি এসিষ্টেন্ট কম্মিস্নার টেক্সেসন লাইরেনলাকপম চম্পালালনা প্রেসিদিয়াম মেম্বার ওইনা শরুক য়াখি।
চত্থখিবা খন্ন-নৈনবগী মীফম অদুনা মণিপুরদা ঈ মশেলগী মরক্তা উংখৎনবগী থৌদোক অসি মখা তানা থোক্তনবা আপিল তৌরক্লি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু