ইমাখোলগী মনা ফংগদবশিংগী মীং লাউথোক্লে
ইম্ফাল, মার্চ ০৫ : ইরমদম মীয়ামগী অপুনবা খোর্জৈ লুপ (ইমাখোল) অৱাং পোৎশংবমগী মপোক থৌরম নুমীত্তা লান্থোক্কদবা তোঙান তোঙানবা খোরিরোলগী মনাশিং ফংগদবা অইবা অইবীশিংগী মীং লাউথোক্লে।
৩ লক শুবা রাজকুমার মহাবিরস্না নীংশিং খোরিরোল মনা ২০২৪ অসি শৈরেংগী লাইরিক 'অপাইবা তাঙ্গোই'গী অইবা মৈ ভগৎ, লৈহৌপোকপী, আসামদা লৈবনা ফংলগনি ।
অনীরক শুবা মোইরাংথেম চুরামোহন অমসুং মোইরাংথেম ওংবী থিয়াম নিঙোল মধুমতি দেবী নীংশিং খোরিরোল মনা ২০২৪ অসি ৱারীমচা লাইরিক 'অমনবা হিংগী' অইবা কৈথেল্লাকপম লন্দন পৌরাবীদা লৈবনা ফংলগনি হায়রি।
অহানবা ওইনা লান্থোক্কদবা খুরাইজম নিমাইচরন-ইবেমপীশক নীংশিং খোরিরোল মনা ২০২৪ অসি উনবী ৱারী (নোভেল) গী লাইরিক 'পাউখুম' গী অইবা ক্ষেত্রি বীর, ককচীংদা লৈবনা ফংলগনি।
লান্থোক্কদৌরিবা মনাশিং অসি লুপকী মপোক নুমীৎ থৌরম লাক্লিবা মার্চগী ২৩ থাংজ নুমীৎতা পাঙথোক্কদৌরিবা থৌরমদা অইবা, অইবীশিং দা খুৎশিন্নরগনি হায়না ইমাখোলগী সেক্রেটারি ৱাহেংবম রোমেন মীতৈনা থাদোরকপা চেরোল অমনা ফোঙদোরক্লি।
সোর্স: ঈচেল ন্যুজ নেটৱার্ক
0 কমেন্ট:
কমেন্ট তৌবিয়ু