image

বিবিসি ইন্দিয়ান স্পোর্টস ৱুমেন ওব দি ইয়ারগী নোমিনিশিংগী মরক্তা মণিপুরগী মিরাবাই চনু য়াওরে

নিউ দিল্লী, ফেব্রুয়ারি ৬ : ইন্দিয়াগী নুপী শান্নরোয়শিংনা ফংলকপা তোঙান তোঙানবা এচিভমেন্তশিংদা মখোয়বু ইকায়খুম্নবা উৎপা ওইনা বি বি সিনা হৌখিবা চহী খরগী মমাঙদগী পীদুনা লাকখিবা বি বি সি ইন্দিয়ান স্পোর্টস ৱুইমেন ওব দি ইয়ার (আই এস দব্লিউ ও তি ৱাই) এৱার্দ ২০২২ নোমিনিশিং লাউথোকখিবদা মণিপুরগী ওলিম্পিক সিলভার মেদেলিস্তল ওয়েটলিফ্টার মিরাবাই চনুসু য়াওখ্রে।

ঙসি মফম অসিগী ললিত হোটেল বরাখম্বগী রিজেন্সি হোলদা পাঙথোকখিবা পাউগী মীফম অমদা বিবিসি ইন্দিয়ান স্পোর্টস ৱুমেন্স ওব দি ইয়ারগী নোমিনিশিং লাউথোকখি। নোমিনিশিং অদুগী মনুঙদা মণিপুরগী ওলিম্পিক সিলভার মেদেলিষ্ট ওয়েটলিফ্টার মিরাবাই চনুসু য়াওখি। টোকিও ওলিম্পিক্সতা পুৱারী ওইনা ওয়েটলিফ্টিং মশান্নদা সিলভার মেদেল লৌখিবী মিরাবাইনা মমাঙ চহী ইং ২০২২ দা বার্মিংহামদা পাঙথোকখিবা কম্মনওয়েল্থ গেমসতসু গোল্ড লৌখি। মমাঙদসু মিরাবাইবু ইং ২০২১ গী বিবিসি ৱুমেন্স ওব দি ইয়ার মিংথোন্দুনা ইকায়খুম্নবা উৎখ্রবনি।

অতৈ নোমিনিশিংগী মরক্তা ওলিম্পিক ব্রোঞ্জ মেদেলিস্ত অমসুং বার্মিংহাম কমনওয়েলথ গেমসকী গোল্ড মেদেলিস্ত রেস্তলার সাক্ষি মালিক, ৱার্ল্ড চেম্পিয়নশিপ মেদেল অনী লৌখিবা ইন্দিয়াগী অহানবা নুপী রেস্তলার ওইখিবী ভিনেশ ফোগৎ, ওলিপিক্সতা থংনা থংননা মেদেল অনী লৌখিবা ইন্দিয়াগী অহানবা নুপী শান্নরোয় ওইরিবী স্টার শাটলার পি ভি সিন্ধু, নুপীগী ৱার্ল্ড চেম্পিয়ন বোক্সার নিখত জারীন্নি।

মশক নাইরবা স্পোর্ট জার্নেলিস্তশিং অমসুং স্পোর্টসকী অইবশিং য়াওবা ইন্দেপেন্দেন্ত জুরি মেম্বারশিংনা নোমিনি মঙা অসি খনগৎলে। বিবিসি আই এস দব্লিউ ও টি ৱাইগী ভোটিং অসি ঙসিদগী হৌরে। বিবিসি নিউজ, বিবিসি হিন্দি, বিবিসি গুজরাত, বিবিসি মারাথি, বিবিস পাঞ্জাবী, বিবিসি তামিল অমসুং তেলুগুদা মালেমগী মীয়াম্না মশা মশানা পামজবা শান্নরোয়শিংদা লাক্লিবা ফেব্রুয়ারিগী ২০ গী নুমিদাং পূং ১১.৩০ ফাওবগী মনুংদা ভোট পীনবগী খুদোংচাবা ফংহল্লি।

বিবিসি নিউজগী  ইন্দিয়াগী হেদ, রুপা ঝানা তোঙানাতোঙানবা কেটেগোরিশিংদা নুপী এথলেতশিংনা ফংলবা এচিবমেন্তশিংবু শিংথাদুনা বিবিসিনা লৌখৎলিবা থৌরাংশিংগী মতাংদা শুগায়না ফোঙদোকখি। রুপা ঝানা হায়, চহী অসিদগী বিবিসি ইন্দিয়ান পেরা-স্পোর্টস ৱুইমেন ওব দি ইয়ার লাওথোকপা অসিনা ঐখোয়দা য়াম্না অপেনবা অমসু ওইরে। নুপী পেরা-এথলেতশিংনা ৱানা হোৎনজরকপা অদুবু মশক খঙবীবা অমদি মখোয়বু পুক্নিং থৌগৎপনি হায়না লৌই।’

মথং থা মার্চকী ৫ দা পাঙথোক্কদবা এৱার্দস সিরেমোনিদা বিবিসি ইন্দিয়ান স্পোর্টস ৱুইমেন ওব দি ইয়ারগী উইনার অদু লাউথোক্কনি। বিবিসি ইমার্জিং প্লেয়ার ওব দি ইয়ার এৱার্দ অমসুং বিবিসি এচিভমেন্ত প্লেয়ার এৱার্দ ফংগদবগী মমিংসু লাউথোক্তুনা অনৌবা কেটেগোরি ইন্দিয়ান পেরা-স্পোর্টস ৱুমেন ওব দি ইয়ারসু ইকায়খুম্নবা উৎকনি।

ফেব্রুয়ারি থাদা বিবিসিনা ইন্দিয়ান মিডিয়া হাউসশিংগা জোইন্ত এদিটোরিয়েল কোল্লাবোরেসনগী থবক পায়খৎমিন্নরগা রিপোর্টিং তৌবদা জেন্দার লেন্স দিভেলপ তৌনবা হোৎনগনি। বিবিসি প্রোজেক্তকী মখাদা পুন্না পুথোরকপা কন্তেন্ত অদু বিবিসিগী ওয়েবসাইটতা পাব্লিশ তৌগনি অমুসং ঐখোয়গী কোল্লাবোরেতরশিংগী প্লেতফোর্মশিংদসু ফোঙদোক্কনি হায়না বিবিসি নিউজগী ইন্দিয়াগী হেদ রুপা ঝানা ফোঙদোকখি। 


সোর্স: পোক্নফম          
 

** অসিগী লিংক অসিদা চংবিদুনা ভোট পিবা য়াগনি। 
https://www.bbc.co.uk/.../idt-c01e87cf-898c-4ec6-86ea...

 

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু