মণিপুর স্তেত কলা একাদেমী এৱার্দ লাউথোক্লে
ইম্ফাল, ফেব্রুয়ারী ৬ : মণিপুর স্তেত কলা একাদেমিগী চেয়ারমেন ওইরিবা মণিপুরগী গভর্নর লা গনেসন্না চেয়ার লৌদুনা হৌখিবা জানুয়ারী ৩০ দা রাজ ভবন্দা পাঙথোকখিবা একাদেমী অসিগী জেনারেল কাউন্সিলগী মীতিংদা লৌখিবা ৱারেপকী মতুংইন্না মণিপুর স্তেত কলা একাদেমী এৱার্দ ২০২১ ফংলগদবশিং ঙসি লাউথোকখ্রে। মণিপুর স্তেত কলা একাদেমীগী সেক্রেটারী এল কিশোরজিৎনা থোকপা চেরোল অসিনা হায়, ইং ২০২১ গী ওইনা মণিপুর স্তেত কলা একাদেমী এৱার্দ ফংলগদবশিং অদুদি-ক্ষেত্রিময়ূম রনধোনী দেবীদা এম এস কে এ লাইফটাইম এচিবমেন্ত এৱার্দ, চবুংবম কোন্দুম সিংহ অমসুং শৌগাইজম থানিল সিংহদা এম এস কে ফেল্লো পীরগনি।
মণিপুর স্তেত একাদেমী এৱার্দ (পার্ফোমিং আর্ট) ফংলবশিং দি প্রোফেসর কোঞ্জেংবম সুনিতা দেবী (মণিপুরী ক্লাসিকেল দান্স), অয়েকপম নন্দিতা (লাই হরাওবা), অরানবা অপানি দেবী (মণিপুরী ক্লাসিকেল দান্স-সুত্রধারী), থোকচম সুধীর (নট সঙ্কীর্ত্তন), য়ূম্নাম সুরেন্দ্র (ক্রিয়েটিব মিউজিক কম্পোজার), নিংঙোম্বম জৱাহরলাল সিংহ (ক্রিয়েটিব মিউজিক ইন্সট্রুমেন্টেল), সোরাইসম কেশোরাম (থিয়েটার), লাইশ্রম ইবোয়াইমা খুমন (শুমাঙ লীলা), গোতিময়ুম লতাসানা দেবী (গৌর লীলা), পুথেম নিঙোল লৌরিয়াম ওংবী থবা (থাঙ-তা), অথোকপম বীরবাবু সিংহ (লাইরিক থীবা হায়বা), অমুবা কামৈ (ত্রাইবেল কালচার) অমসুং এ এস রৱুং (ত্রাইবেল কালচার) নি।
এম এস কে এ এৱার্দ ফোর লিতরেচার ফংলবশিংদনা চান্দম খোমৈ, দাঃ থোকচোম ইবোহনবী সিংহ অমসুং সোইবম ইন্দ্রকুমারনি। এম এস কে এ এৱার্দ ফোর ফাইন আর্তসকী কেতাগোরীদনা মাইবম মনিঙৌ অমসুং নাওরেম গৌতম সিংহনি। অদুগা এম এস কে এ য়ং তেলেন্ট এৱার্দ কেতাগোরীদনা দাঃ উর্মিকা মাইবম (দান্স), মঙ্কা ময়াংলম্বম (মিউজিক), কাঙুজম সঙ্গিতা দেবী (শুমাঙ লীলা), মুতুম হেরোজিৎ (থাঙ-তা), লোইতোংবম ফুলোচান্দ সিংহ (অরাংফম) অমসুং থোঙ্গিন হাউকিপ (ত্রাইবেল কালচার) হায়রিবশিং অসিনি।
সোর্স: পোক্নফম
0 কমেন্ট:
কমেন্ট তৌবিয়ু