বাংলাদেশতা মনিপুরগী গোপালদেব কাংখুৎ অমসুং আসামগি হাইলাকান্দি কাং এসোসিয়েসনগী নুপী কাংখুৎপু তরাম্না ওকখ্রে
সিলেট, জুন ১২ : মৈতৈগী য়েলহৌঙদগী মশান্না কাং অসিবু য়োকখৎপগী পান্দমদগী সিলেত লৈচোম লৈকাইনা শিলাংজবা, সিলেট মণিপুরী কাং এসোসিয়েশনগী মিৎয়েং মখাদা চত্থরিবা টুর্নামেন্ট অসিদা শরুক য়াব লাকপা মনিপুরগী গোপালদেব কাংখুৎ অমসুং আসামগি হাইলাকান্দি কাং এসোসিয়েসনগী নুপী কাংখুৎপু তরাম্না ওকখ্রে। তরাম্না ওকখিবা থৌরম অসিদা সিলেট সিটি কর্পোরেশনগী ১৩ ওয়ার্ড কাউন্সিলর ওইবিরিবা সান্তনু দত্ত সন্তুনা অথোইবা মীথুংলেন ওইনা ময়ামবু তরাম্না ওকখি। শিলাংজবা কমিটিগী মায়কৈদগী লৈ অমসুং সাইটেশন অমমম খুদোল তমদুনা তরাম্না ওকপিখি। থৌরম অসিদা লামাবাজার লৈচোম লৈকাইগী প্রেসিডেন্ট এল. প্রশান্ত সিংহ অমসুং সিলেট মনিপুরী কাং এসোসিয়েশনগী সভাপতি য়ুম্নাম নৃপেন্দ্র সিংহ, মেম্বর সেক্রেটরি মিন্টু সিংহগা লোয়ননা হিজম রাজু, পুরিদাস সিংহ, লোংজম আনন্দ, মাইবম রাসেল, এল. বিল্পব, সাইখোম প্রহল্লাদ, হিজম প্রকাশ, বিজয় সিংহ, সুকান্ত সিংহ লোয়ননা অতৈ অতৈ শক্নাইরবা মীওই কয়াসু শরুক য়াদুনা তরাম্না ওকখি।
নুপীগী সুপার সিক্স রাউন্ড রবিন লীগকী মিকুপ অমা
আম্বরখানা পান্থোইবি কাংখুৎ, সিলেট
মলেমলৈমা কাংখুৎ, ভানুগাছ
অমারোমদা টুর্নামেন্ট অসিগী ঙসি সুপার সিক্স রাউন্ড শানবদা শিবগঞ্জ লাইনিংথৌ কাংখুৎ না পাঞ্জল ১০দা কাংলাশা কাংখুৎ পু পাঞ্জাল ৫দা মায়থিবা পিখি, ২শুবা শানবদা আমসফা-আম্বরখানা কাংখুৎ না পাঞ্জল ১২দা ভানুগাছ লিজেন্ড কাংখুৎ পু পাঞ্জল ৮দা মায়থিবা পিখি, ৩শুবা শানবদা নয়াবাজার নহারোল কাংখুৎনা পাঞ্জল ১১দা গোপাল দেব কাংখুৎ মনিপুরবু পাঞ্জল ৭দা মায়থিবা পিখি।
থাংজ (১১ জুন) নুমিৎ কি নুপীগী সুপার সিক্স রাউন্ড রবিন লীগকী মওংদা মায়োক্নখিবদা আহানবদা মণিপুর অমসুং হাইলাকান্দিগী নুপী কাংখুৎপু সিলেট আম্বরখানা পান্থোইবি কাংখুৎনা পাঞ্জল ৬-৩ দা মায়থিবা অমসুং ২নি শুবা শানবদনা মালেমলৈমা কাংখুৎ ভানুগাছতা আম্বরখানা পান্থোইবি কাংখুং পাঞ্জল (৪-৪) ড্র ওইখি, অরোইবদা ৩শুবা শানবদা মালেমলৈমা ভানুগাছ কাংখুৎনা হাইলাকান্দি নুপি কাংখুৎপু পাঞ্জল ৭-৫ দা মাইথিবা পীখি। লাক্লিবা তাং জুনগী ২৪ দা ভানুগাছকী মালেমলৈমা কাংখুৎ অমসুং সিলেটকী আম্বরখানা পান্থোইবী কাংখুৎ অনিমক ফাইনাল শান্নরগনী।
0 কমেন্ট:
কমেন্ট তৌবিয়ু