থাঙ-তা অমসুং মণিপুর ফোল্ক ডান্স ফেষ্টিবেল লোইশিনখ্রে
ইম্ফাল, অক্টোবর ৮ : পার্ফোমিং ওর্গানাইজেসন ওফ আটর্স এন্ড কালচার, মণিপুরনা শীন্দুনা নুমিৎ হুমনি চুপ্না চত্থরকপা থাঙ-তা অমসুং মণিপুর ফোল্ক ডান্স ফেষ্টিবেল, ২০২২ ঙসি লোইশিনবগী থৌরম কৈরাও বিত্র খুনৌদা পাঙথোকখ্রে। থৌরম অদুগা লোয়ননা পার্ফোমিং ওর্গানাইজেসন ওফ আর্টস এন্ড কালচারগী ২১ শুবা মপোক কুমওন থৌরমসু পাঙথোকখি।
থৌরম অদুগী চীফ গেষ্টকী ৱারোল পীরদুনা রঙ্গনিকেতনগী চিয়ারমেন অজিৎ দাসনা হায়, জাতি অমা মুত্থৎপদা কালচার, আর্ট ফোর্ম মুত্থৎপা অসিনা অহানবা খোঙথাং ওই। কালচার য়োকখৎনবা থোরক্রিবা নহাশিংনা কালচার অসিবু হেন্না মাঙজিল থানা পুবা ঙম্বা ওইসনু। হৌজিক্কী মতম অসিদা সঙ্কির্ত্তন তৌজরিবা মপা-মপা অদুগী তুং ইল্লগা চৎপগী মহুৎ, পুঙ মখোল তানিংদে হায়বা অঙাংনা হেন্না য়াম্মী হায়নসু মহাক্না ফোঙদোকখি।
অজিৎ দাসনা মখা তারদুনা হায়, থাঙ-তা হায়রিবা আর্ট ফোর্ম অসি মাঙহনবা য়াদে। মসিগী মপারনা ঐখোয়গী লৈবাকসি কল্লিবনি। অদুনা আর্ট ফোরাম অসি য়োকখৎমিন্নসি। মণিপুরগী মার্সিয়েল আটর্স অসি চাইনিজদগী তাবা নত্তে। ইন্টারনেশনেল থাক্তা ফজনা তাকপী তম্বীরগা পুখৎলকপা য়াগনি। ঐগী কালচার ঐনা ঙাক্কদবনি, মীতোপনা ঙাক্কদবা কনগদবা নত্তে।
মীতৈ ফুরুপ অসি মপান লমদগী লাকপা মীনা কনগদবা নত্তে। গৌরিয়া, সনামহি খায়দোক্তনা পুন্না থবক পায়খৎলবদি মীতৈ মপাঙ্গল কনখৎলকপগী আশা য়াম্না লৈরি হায়নসু মহাক্না ফোঙদোকখি। থৌরম অদুদা কালচারেল ৱার্কার্স এন্ড এক্টিভিটিস ফোরাম, মণিফুরগী প্রেসিডেন্ট বুধ চিংথাম অমসুং হুয়েন লাল্লোং মণিপুর থাঙ-তা কালচারেল এসোসিয়েসনগী ডাইরেক্টর সঙ্গিৎ নাটক একাডেমি এৱার্দি কে সনাথোইবা শর্ম্মানা মথংশিৎনা গেষ্ট ওফ ওনার অমসুং প্রেসিদেন্ট ওইনা শরুক য়াখি।
থৌরম অদুগা মরী লৈননা থাঙ-তা মাইবী জগোই য়াওনা কালচারেল প্রোগ্রামশিং উৎখি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু