ত্রিপুরাদা এস্পেক্ত ওব মণিপুরী লিতরেচর হায়বা হীরমদা সিম্পোজিয়ম পাঙথোকখ্রে
ইম্ফাল, জানুয়ারি ২৮ : মণিপুরী সাহিত্য অমসুং মণিপুরী লোল চাওখৎহন্নবগী পান্দমদা ‘এস্পেক্ত ওব মণিপুরী লিতরেচর’ হায়বা হীরম অসিদা নোংমগী ওইবা সিম্পোজিয়ম অমা ঙসি ত্রিপুরা স্তুদেন্তস হেল্থ হোম, আগরতলা ত্রিপুরাগী কনফারেন্স হোলদা পাঙথোকখ্রে।
মণিপুরী লিতরেরি এন্দ কালচারেল ফোরাম, ত্রিপুরা সাহিত্য একাদেমী নিউ দিল্লীগা পূন্না খূৎশম্নদুনা পাঙথোকখিবা থৌরম অদুদা শক্নায়রবা স্কোলার লোংজম জয়চন্দ্র সিংহনা অথোয়বা মীথুঙলেন ওইদুনা হৌদোকখি।
সাহিত্য একাদেমী মণিপুরী লেংগ্বেজ এদভাইজরি বোর্দকী কনভেনর প্রোফেসার রাজেন তোইজাম্বা, মণিপুরী লিতরেরি এন্দ কালচারেল ফোরামগী প্রেসিদেন্ত এন বীর সিংহ, মণিপুরী সাহিত্য পরিষদ ত্রিপুরাগী প্রেসিদেন্ত এল বীরমঙ্গল সিংহ, সাহিত্য একাদেমী কোলকতা রিজন অফিসকী এসিস্তেন্ত এদিতর ক্ষেত্রবাসি নাই অমসুং শক্নায়রবা অইবা এস খেলামোহন্না অখন্নবা মীথুঙশিং ওইনা শরুক য়াখি।
থৌরমসিদা চহীসিগী ওইনা সাহিত্য একাদেমী এৱার্দকীদমক খনখ্রবী সোরোকখাইবম গম্ভিনী দেবীবু ইনফি অমসুং সাইতেস পীদুনা হরাও-তরাম্না ওকখি।
থৌরম অদুদা চৎলিবা চহী অসিগী ত্রিপুরা বোর্দ ওব সেকেন্দরি অমসুং হায়ার সেকেন্দরি বোর্দনা লৌবা একজামদা মার্ক ৱাংনা ফংবা ক্লাস তেন অমসুং তুয়েল্বগী ত্রিপুরাগী মহৈরোয়শিংদা লুপা লীশীং ৫/৫ লোয়নবা খাইদেম নিংঙোল সগোলসেম ওংবী অচৌবী নীংশিং মনা পীরগনি হায়নসু লাওথোকখি।
সোর্স: পোক্নফম
0 কমেন্ট:
কমেন্ট তৌবিয়ু