কংলৈ পুৱারী খোঙ্গুল লীবা থৌরম কাছারদা পাঙথোকখ্রে
ইম্ফাল, আগস্ট ৩১ : ইপসা (ইন্টারনেসনেল পিছ এন্দ সোসিয়েল এদভান্সমেন্ট) অমসুং লূপ অসিগী এদভাইজরি টিম্না অৱাং-নোংপোক্তা খুন্দারিবা কংলৈচাশিংবু তশিন-খোমজিনবা খোঙচৎকী মখা চত্থরকপা ওইনা লৈপাকপোকপা নুমিত্তা আসামগী কাছার দিস্ত্রিক্ততা কংলৈ পুৱারী খোঙ্গুল লীবা থৌরম পাঙথোকখ্রে।
ইপসা অমসুং অথৌবা নীংশিং লূপ অনী খুৎশম্নরগা কাছারগী লক্ষিপুর কোঞ্জেং লৈকায়দা লৈবা গেস্ত হাউসতা পাঙথোকখিবা থৌরম অদুদা অথৌবা নীংশিং লূপকী প্রেসিদেন্ত আর কে সনাহল, পূক্কৈ লূপকী হান্নগী প্রেসিদেন্ট য়ুম্নাম মণি, ইপসাগী এদভাইজর চীঙ্খৈ লুৱাং, ইপসাগী ৱার্কিং প্রেসিদেন্ত মাইবম বিশেশ্বর, পূক্কৈ লূপকী প্রেসিদন্টে য়ূম্নাম নদিয়াচান্দ শরুক য়াখি।
থৌরম অদুদা শরুক য়াখিবা লক্ষিপুর ফুলাতোন, অৱাপলি, লালং অমসুং সিংয়ারবোন্নচিংবা মফমদা লৈবা কংলৈচাশিংনা মণিপুর লৈঙাক্না কাছারদা লৈরিবা কংলৈচাশিংগী অখন্নবা মীৎয়েং অমা য়েং হন্নিংই। কংলৈপাক অমসুং কাছার অনীগী মরক্তা তৎনবা য়াদবা মরী লৈ। মণিপুরগী হেক মথংদা লৈবা পুৱারীগা থানবা য়াদ্রবা মতম অমগী কংলৈপাক্কী স্তেত ওইরম্বা বৃটিশনা চন্দুপুরদা থানা লৈরম্ববু জিরি ত্রিতিনা নাথৈদুনা লৈহৌরবা, কংলৈপাক্কা থাদোক্নবা য়াদ্রবা নিংথৌরোল কয়াগী মতমদগী ফাওবা থারক্ত্রবা লমদম্নি। মণিপুর গবর্নমেন্তনা মফম অসিবু মীরাইহন্নিংদে হায়না ইপসাগী চেরোল অমদা থম্লক্লি।
সোর্স: পোক্নফম
0 কমেন্ট:
কমেন্ট তৌবিয়ু