image

মণিপুরী লোল ৮ শুবা সেদ্যুলদা চনবগী মরুওইবা ফোটো অমসুং ডকুমেন্টশিংগী এগজিবিসন হৌখ্রে

ইম্ফাল, আগস্ট ৩১ : মণিপুরী লোলনা ইন্দিয়াগী কন্সটিট্যুসনগী ৮শুবা সেদ্যুলদা চন্নবা কন্সটিট্যুসন (৭১ এমেন্টমেন্ট) এক্ট ১৯৯২ গী আগস্ট ৩১দা চৎনহনখিবা নুমীৎকা মরী লৈননা ফোটো অমসুং ডকুমেন্ট এগবিজবিসনগী থৌরম অমা ইম্ফালগী বি টি রোডতা লৈবা মণিপুর পাব্লিক লাইব্রেরীদা মণিপুরগী হান্নগী কেবিনেট মিনিষ্টার খুন্দ্রাকপম জিবোননা রিবন কক্তুনা হৌদোকখ্রে হায়না ওর্গানাইজিং কমিটি ওফ মণিপুরী লেঙ্গুয়েজ ফোটো এন্দ ডকুমেন্ট, পাউনা বাজার ইম্ফালগী সেক্রেটারি লোইতাম সুরজিৎনা থাদোরকপা চেরোল অমনা ফোঙদোরক্লি।

ঙসি হৌদোকখিবা এগজিবিসনগী থৌরম অদুদা সী পি আই (এম) মণিপুর ষ্টেট কম্মিটিগী সেক্রেটারি ক্ষেত্রিময়ুম শান্ত,মণিপুরগী হান্নগী চীফ সেক্রেটারি এ নবকিশোর, মণিপুর লাইব্রেরী এসোসিয়েসন (মালা) গী প্রেসিদেন্ট কাংজম চাওবা, অইবা এল মেমো, নহারোল সাহিত্য পরিষদকী সেক্রেটারি ডা. ঐচ তেম্বা, মণিপুর লিটরেরি সোসাইটিগী সেক্রেটারি নাওরেম রাজেন্দ্রা, অশাংবা কম্ম্যুনিকেসনগী মেনেজিং দিরেক্টর এ সী নেত্রজিৎ অমসুং মণিপুরী লোল মুভমেন্টকী শক্নাইরবা এক্টিভিষ্টি শরত সলামসু শরুক য়াখি হায়রি।

মণিপুরী লোলনা নিপালশুবা সেদ্যুলদা চনখিবগী মরুওইবা ফোটো অমসুং ডকুমেন্টকী এগজিবিসনগী থৌরম অসিদা লোল অসিগী ঈহৌ হৌখিবগী ফোটো খরা অমসুং লোল অসিবু কন্সটিট্যুসনগী নিপালশুবা সেদ্যুলদা চন্নবা মুভমেন্টকী খোঙথাং অমা ওইনা ইন্দিয়াগী পার্লিয়ামেন্টকী এম পি ২১১গী সিগনেচার য়াওবা মেমোরেন্দমনচিংবা অসি য়াওরি।

মণিপুরী লোলগী মুভমেন্টকী এগজিবিসন অসি লাক্লিবা সেপ্টেম্বর ৪, নোংমাইজিং ফাওবা মণিপুর পাব্লিক লাইব্রেরীদা চত্থজগনি। এগজিবিসন অসি নুংথিল পুং ২ দগী নুমীদাংৱাইরম পুং ৬ ফাওবা য়েংবা য়াগনি। লোল অসিগী ঈহৌ হৌখিবগী ফোটো অমসুং মরুওইবা ডকুমেন্টশিং লৈবীরবদি খ্বাই মীয়াম্না কোপী অমমমতং জোইন্ট স্ট্রাগল কম্মিটি পোর মণিপুরীদা পীবীরক্নবা কম্মিটি অসিগী মহুৎ শীন্দুনা থৌরম অদুদা অশাংবা নেত্রজিৎনা ফোঙদোকখি হানসু চেরোলদুনা মখা তানা ফোঙদোরক্লি।

সোর্স: হুইয়েন লানপাউ.

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু