মোইরাং, জুলাই ১৫ : হৌজিক হৌজিক মণিপুরদা থোক্লিবা কাংলুপকী ইরাং অসিনা মরম ওইদুনা লৈফম লৈতবদগী লাঞ্জেন্নদুনা রিলিফ কেম্পতা চংজফম লৌদুনা লৈরিবা বিষ্ণুপুর দিষ্ট্রিক্টকী তোঙান তোঙানবা মফম ৫ দা লৈরিবা ইনমেটশিংদা নোংমদা চংদ্রবা য়াদ্রবা অঙাংশিংগী চান থক্নবা নেষ্টোজেন, লেক্টোজেন অমদি শেল য়াওনা পোৎলম কয়া কারবিয়ালোংগী মৈতৈ মণিপুরী কালাচারেল এসোসিয়েসন্না মতেং পাংখ্রে।

তেংবাংবগী থবক থৌরমদা মরি লৈননা এসোসিয়েসনগী জেনারেল সেক্রেটারিগী থৌগাই পুরিবা এম বুংঙোবীনা হায়খিবদা মণিপুরদা অৱাবা মায়েক্নদুনা লাঞ্জেন্নরিবা মৈতৈশিংদা মখোয়গী মায়কৈদগী মখা তানা অঙম্বা মতেং পাংনবা হোৎনরি।

হৌজিক অৱাবা তারিবা মীয়ামগীদমক শরুক য়াদুনা মণিপুরগী ঙমখৈ কায়দনবা মখোয়গী মায়কৈদগীসু অঙম্বা মতেং পাংবা য়াবশিং পাংনবা হোৎনরি।

থৌরম অদুদা এসোসিয়েসনগী প্রেসিদেন্ট থিঙাম চন্দ্রকুমার, এম বুংঙোবী সেক্রেটারি, য়াইখোম লাইশোম ভিপি, খুন্দ্রকপম জয়কুমার জোইন্ট সেক্রেটারি ৱাক্রম চন্দ্রবাবু শান্তি ওর্গানাইজিং সেক্রেটারিসু শরুক য়াখি।

সোর্স: সঙাই এক্সপ্রেস