আপডেট:
image

মৈরাবা লুৱাং ইন্দিয়ান টিমগী লুচিংবা ওইনা খল্লকখ্রে

ইম্ফাল, জুলাই ১৪ : চাইনাদা পাঙথোক্কদৌরিবা ৱার্ল্ড য়ুনিভার্সিটি গেম ২০২৩ গা মরী লৈননা এসোসিয়েসন ওব ইন্দিয়ান য়ুনিভার্সিটিজনা মণিপুরদগী মাইস্নাম মৈরাবা লুৱাংবু বেদমিন্টন ইভেন্টকী ওইনা ইন্দিয়ন টিমগী লুচিংবা ওইনা খল্লকখিবা অদু চাওথোকচনিংঙাইনি হায়না য়াসকী বেদমিন্টন কোচ রোমেশ লুৱাংনা ফোঙদোরক্লি।

রোমেশ লুৱাংনা হীরম অসিগী মরী লৈননা ফোঙদোকখিবদা, লেমজনিংঙাই ওইরবা ৱার্ল্ড য়ুনিভার্সিটি গেম ২০২৩ দা মৈরাবা লুৱাংনা ইন্দিয়া টিমগী মেন্স টিম ইভেন্ট অমসুং ইন্দিভিজ্যুয়েল ওপেন মেন্স সিঙ্গলস ইভেন্টতা শরুক য়াগনি। ওলিম্পিক্স গেমগী মতুংদা ৱার্ল্ড য়ুনিভার্সিটি গেম অসিনা খ্বাইদগী  চাওবা অনীশুবা মাল্টি স্পোর্টস ইভেন্ট ওইরি।

পাঙথোক্কদৌরিবা ৩১ শুবা ৱার্ল্ড য়ুনিভার্সিটি গেম অসি কুমজা ২০২৪ দা পেরিসতা পাঙথোক্কদৌরিবা ওলিম্পিক্স গেমগী ক্বালিফায়িং কম্পিটিসনগী শরুক অমনি। চহী অসিগী ওইনা ৱার্ল্ড য়ুনিভার্সিটি গেমদা ইন্দিয়াদগী এথলিট ৩৩৫ না তোঙান-তোঙানবা দিসিপ্লিন ১২ দা শরুক য়াগনি। দিসিপ্লিনশিং অদুদি-আর্চারি, এথলেটিক্স, বেদমিন্টন, ফেন্সিং, জুদো, শুটিং, স্বিমিং, টেবল টেন্নিস, টাইক্কোন্দো, টেন্নিস, ৱুশু অমসুং ভোলিবোলনি।

ৱার্ল্ড য়ুনিভার্সিটি গেমদা লৈবাক ২৬৮ দগী শান্নরোয় কয়ানা শরুক য়ারগনি অমিদি স্পোর্টস অসি হৌদোকপগী থৌরমদা চাইনাগী প্রেসিদেন্ট ঝিজিনপিংসু শরুক য়ারবা য়াই হায়রি। ৩১ রক শুবা গেমস অসিগী টোর্চ রেলি মমাং থাগী ১০দা চাইনাগী কোনুং বেইজিংদগী লমথাবা হৌখ্রবনি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: