ইম্ফাল, জুলাই ১৬ : নহারোল সাহিত্য প্রেমী সমিতি ইম্ফালনা চহী খুদীংগী পীবা রাইতর ওব দি ইয়ার লাইফতাইম এচিবমেন্ত এৱার্দ কুমসি চহী ২০২৩ গী ওইনা মণিপুরগী শক্নাইরবা অইবা অরিবম কুমার শর্ম্মাদা পীনবগীদমক ঙরাং ফমখিবা সমিতিগী একজিক্যুতিব কমিতিগী মীফম্না লেপ্নখ্রে হায়রি।
এ কে শর্ম্মা মণিপুরী সাহিত্যদা মমল নাইদ্রবা খুদোল কয়া তৌরকখ্রবা অইবনি। সাহিত্য একাদেমি নিউ দিল্লীনা পীবা ত্রান্সলেসন প্রাইজ অমসুং সাহিত্যগী লূপশিংনা পীবা মনা মথুম কয়া পীদুনা ইকায়খুম্নখ্রবা অইবনি।
লেমজনিংঙাই ওইরবা মনা অসি চহী খুদিংগী নহারোল সাহিত্য প্রেমী সমিতি লিংখৎখিবা নুমিৎ জুলাই ১৭ তা হেক হেক পাঙথোকপা অইবশিংগী নুমিৎতা পীদুনা লাকপনি। অদুবু হন্দক চহীগী ওইনদি হৌজিক মণিপুরদা থোক্লিবা লৈবাক্কী ওইবা তংদু লৈতাদবা ঈরাংগী ফীবম অসিনা মরম ওইদুনা মতম খরা থেংথরগা খুদোংচাগদবা নুমিৎ অমদা খূৎশিন্ননবসু লেপ্নখি হায়রি।

সোর্স: পোক্নফম