• 655
• ৮ই অক্টোবর ২০২৩ ইং
• Share on:

আসামগী ফূরুপ ৪১ এসটিলিষ্টতা চনখিগদৌরে, মীতৈসু য়াওহৌনবা রেকমেন্দেসন থাবীয়ু’

ইম্ফাল, ওক্টোবর ০৭ : ঈরাংনা মরম ওইদুনা মতম খরা সেদ্যুল্দ ত্রাইব দিমান্দ কম্মিটি মণিপুর (এস দি দি সি এম) গী খোঙজং তপথরুবনি অদুবু মীতৈশিংনা সেদ্যুল্ড ত্রাইবকী লিষ্টতা য়াওহৌদ্রবদি তুংদা অৱাবা কয়া মায়োক্নরক্কদবনা অকনবা খোঙজং চঙশিনবগী তঙাইফদবা লৈরে হায়না কম্মিটিগী প্রেসিদেন্ট য়ুম্নাম ধিরাজনা ফোঙদোকখ্রে।

ঙসি নোর্থ এ ও সীদা লৈবা হোটেল ফৌওইবীদা কম্মিটি অসিগী ওয়েবসাইট অমা হাংদোকপগা লোয়ননা মহাক্না হায়, অৱাং নোংপোক্তা লৈরিবা য়েলহৌমী পূম্নমক্না এস টি লিষ্টতা য়াওখ্রবসু শুপ্নতগী মীতৈ খক্তনা য়াওহৌদবা হায়বসি তুংদা ফূরুপ অসি করি ওইরক্কদগে হায়বদু মীয়াম্না খন্নবীয়ু হায়খি।

হৌজিক মীতৈনা মায়োক্নরিবা খুদোংচাদবশিং অমসুং মীচং লৈতবগুম্না থেংনরিবা অসি করিগুম্বা এসটি লিষ্টতা য়াওরম্লবদি থেংনরম্লোই। মণিপুরগী ঙমখৈ, ময়ামগী পুন্সি, লন থুম কঞ্জনবা কম্মিটিনা থৌদাং লৌদুনা লাক্লি। মীতৈনা এস টি লিষ্টতা য়াওবগী মাতংদা মরী লৈনবা কোর্টকী য়াথংসু লৈরবনিনা অথুবা মতমদা রেকমেন্দসন থাবীয়া হায়খি।

হৌজিক থোক্লুবা ঈরাং অসি থা ৫ শুরকপগা লোয়ননা নেমথরকপগী মমি উরে। মতাংসিদা আসামগী টাই অহোম য়াওনা ফূরুপ ৪১ বু এস টি লিষ্টতা চলহন্নবা রাজ্য সভাদা বিল ওইনা কুমজা ২০১৯ গী জানুয়ারীদা পুথোকখ্রবসু হৌজিক পন্দুনা লৈরি। অদুবু মথংগী পার্লিয়ামেন্ট মীফমদদি পাস তৌবা য়ানা লৈরে। বিল অসি পাস তৌখ্রবদি অৱাং নোংপোক্তা য়েলহৌমী ওইরগা এস টি লিষ্টতা চন্দবা মীতৈ খক্তা ঙাইহৌরগনি হায়খি।

মরম অসিনা মীতৈ/মৈতৈবু ঙাক্লৌ পীনবা ফূরুপ অসিবু এস টি লিষ্টতা চলহন্দুনা কন্সটিট্যুসনগী ঙাক্লৌ পীদবা য়ারক্ত্রে হায়খি।

সোর্স: হুইয়েন লানপাউ.