অভয়নগর অমসুং গৌরনগর মফম অনীদা খোংজোম ডে অমদি পাউনাগী নীংশিং নুমিৎ পাঙথোকখ্রে
আগরতলা, এপ্রিল ২৩: মণিপুর নীংতম ঙাকপগী লান্দা থৱায় থাখ্রবা অথৌবা পাউনা ব্রজবাসীগী চহী ১৩৫শুবা নোংগা কুমওন অমদি খোংজোম নুমিৎ রাজ্য অসিগী ডিষ্টিক্ট অনীদা হৈকৎ লৈকৎ তমদুনা ঙসি পাঙথোকখ্রে। অভয়নগরদা পুথিবা ৱেলফেয়ার এ্যন্ড কলচরেল সোসাইটি, পাউনা ব্রজবাসী ফাউন্ডেশন ত্রিপুরা অমসুং মণিপুরগী রিফোর্ম অহুমনা খুৎশম্নরগা পাঙথোকখিবা থৌরমদা এন নিরঞ্জন দত্ত, আরকে তরুনজিৎ, মণিপুর ইউনিভার্সিট গী সাপম দিলীপকুমার, রিফোর্মগী লোংজম অরুন অমসুং অইবা অচৌবা য়ুম্নাম শরুক য়াখি। থৌরম অদুদা পাউনা ফাউন্ডেশনগী প্রেসিডেন্ট সিনাম দীপক কুমারনা থৌরম মপু ওইখি। থৌরমগা মরী লৈননা অইবা য়ুম্নাম অচৌবনা ইবা 'পাউনা' হায়বা ড্রামা লাইরিক অমসু ফোঙখি।
হায়রিবা লুপশিং অসিনা নুংথিলদা মণিপুরী লিটরেরী এ্যন্ড কলচরেল ফোরাম খোয়াই ব্রাঞ্চকা খুৎশম্নরগা খোয়াই জিলাগী গৌরনগরদা খিন্না লৈবা ইবুধৌ পাউনাগী মীতমদা হৈকৎ লৈকৎ তম্বগা লোয়ননা হন্দক্তা মণিপুর ইউনিভার্সিটিদগী মণিপুরী জগোয়দা গোল্ড ফংলকখ্রবী খুমন্থেম অনীমা, শান্নরোই অনী এন অস্মিতা দত্ত অমসুং এন মনিশ দত্তবুসু ইকাইখুম্নখি। থৌরমগা মরী লৈননা থাং-তাগী পার্ফোমেন্সসু উৎখি হায়রি। থৌরমদা মণিপুরদগী এল সমরেন্দ্র, এস দিলীপ কুমার, অচৌবা যুম্নাম, ডব্লিউ অমুচৌ অমসুং সিনাম দীপক নচিংবা শরুক য়াখি। ফোরামগী প্রেসিডেন্ট এন বীর সিংহনা প্রীসাইড তৌখি হায়রি।
সোর্স - মরূপ
0 কমেন্ট:
কমেন্ট তৌবিয়ু