ৱার্ল্ড প্রেস দেগী থৌরম পাঙথোকখ্রে লোয়ননা থিয়াম প্রেমকুমার এৱার্দ ২০২৪ লান্থোকখ্রে
ইম্ফাল, মে ৩ : সাহিত্য থৌপাং লুপ মণিপুরনা শিন্দুনা ৱার্ল্ড প্রেস দেগী থৌরম পাঙথোকখ্রে। লোয়ননা থিয়াম প্রেমকুমার এৱার্দ ২০২৪ লান্থোকখ্রে। ওয়েব জার্নেল ইম্ফাল রিভিয়ু ওফ আর্টস এন্দ পোলিটিক্সকী এদিটর প্রদিপ ফঞ্জৌবমদা থিয়াম প্রেমকুমার এৱার্দ অসি লান্থোকখি। এৱার্দ অসিদা লেংয়ান সাইটেসন অমদি শেল ওইনা লুপা লীশিং ১০ য়াওরি।
থৌরম অদুদা ইনফোর্মেসন এন্দ পাব্লিক রিলেসন্স (দআইপিআর), গবর্ণমেন্ট ওফ মণিপুরগী ডাইরেক্তর ডাক্তর টিঐচ চরঞ্জিৎ সিংহনা চীফ গেস্তকী ৱারোল পীরদুনা হায় আফ্রিকান সিবিল ৱারদা জর্নেলিষ্টশিংদা তৌখিবা এটেক মখোয়গী ফ্রিদমবু নমথনবা তৌখিবা কয়া অদুদগী শোক ১৯৯১ দা আফ্রিকান জর্নেলিষ্টশিং অদুনা নামিবিয়াদা ‘উন্দহোক দিক্লারেসন’ হায়না তৌখি। প্রেসকী ফ্রিদম অমদি ইন্দিপেন্দেন্টগীদমক্তা তৌখিাব দিক্লারেসন অদুবু য়ুএননা শকখঙবীবা ওইনা শোক ১৯৯৩ দা মে ৩ ভিসি ৱার্ল্ড প্রেস দে হায়না চহী খুদিংগী পাঙথোক্লগনি হায়না লাউথোকখি। শোক ১৯৯৪ দা অহানবা ওইনা ৱার্ল্ড প্রেস ফ্রিদম দে অসি ওবজার্ব তৌবিা হৌরকখিবনি।
অদুনা নুমিৎ অসি প্রেসকীদি ফ্রিদম অমসুং ইন্দিপেন্দন্টকীদমক্তা সেলেব্রেট তৌবা অমসুং মদুগী ইমপোর্টেন্স অদুবু নৌনা অমুক্কা খঙমিন্নবা নুমিৎ অমনি হায়খি। মহাক্না মখা তারদুনা হায়, দিমোক্রেসি অমবু মপাঙ্গল কলহনবা, সোসাইতি অমদা তংদু লৈতাবা পুরকপা অমদি কম্ম্যুনিতি অমাদ কম্ম্যুনিতি অমগগী মরক্তা অন্দরষ্টেন্দিং পুরক্নবা হোৎনবদা জর্নেলিষ্টশিংগী অচৌবা থৌদাং লৈ।
জর্নেলিষ্টশিং অসিনা পাব্লিক্কীদি মীৎ নাকোং ওইরিবনি। কুপশিন্দুনা য়ৌহন্দুনা প্রজাশিংবু ইনফোর্ম সিটিজন অমা ওইহল্লিবনি। দিমোক্রেসি অসিদা পার্টিসিপেসন তৌহল্রগা কম্ম্যুনিতি অমগা কম্মুনিতি অমগা রিলেসনশিপ শাগৎপদা অচৌবা থৌদাং অমা লৌরিবনি। অদুনা জর্নেলিস্ট থৌদাং অসিদি য়েৎনবা য়াদ্রবা ৱাফমনি হায়খি।
অমরোমদা ফ্রিদম হায়বসি এবসোলুট ওইবা য়াদবনিনা রিজনেবল রেষ্ট্রিক্সন অমদি য়াওই। মসিদা নেসনেল সেক্যুরিটি, নেসনেল ইন্টিগ্রিটি, কন্টেম্প ওফ কোর্টনচিংবা কয়া অমা থম্লি। অদুনা প্রেস/মেদিয়াশিংনা ফ্রিদম ওফ স্পিছ এন্দ এক্সপ্রেসনসিদা রিজনেবল রেষ্ট্রিক্সনশিংসু ভাইওলেত তৌবীগনু হায়নসু ফোঙদোকখি।
ওল মণিপুর ৱার্কিং জর্নেলিষ্ট য়ুনিয়ন (অমজু) গী প্রেসিদেন্ট বিজয় ককচিংতাবমনা প্রেসিদেন্টগী ৱারোল পীরদুনা হায়, নোর্থ ইষ্টকী জর্নেলিষ্টশিংনা প্রেসকী নিংতম্বসি ফংদ্রি। করমকান্দা ফংগনি হায়বা খঙদ্রি। প্রেস/মিদিয়াদা কিহল্লকপা খঙহল্লকপা, পাউমীশিং হাৎপা, ফাবীবা, ফুবীবা কয়া থোকখ্রে। মসিনা মরম ওইরগা মনিং তম্না পাউ ফোংবা ঙমদবগী অৱাবা লৈরি হায়খি।
থৌরম অদুগা মরী লৈননা শৈরেং পাথোকপগী সেসন অমসু সাহিত্য একাডেমি এৱার্দি, ইরুংবম দেবেননা চিয়ার লৌদুনা পাঙথোকখি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু