মহারাজ নরসিংহগী ২৩২ শুবা বার্থ এন্নির্বসরি পাঙথোকখ্রে
ইম্ফাল, মে ৬ মহারাজ নরসিংহ মেমোরিয়েল কমিটি, ইম্ফাল অমসুং শ্রী শ্রী গোপিনাথজি টেম্পল বোর্দ, নোংমৈবুংনা ওর্গানাইজ তৌদুনা মহারাজ নরসিংহগী ২৩২ শুবা বার্থ এন্নির্বসরি ঙসি মহারাজ নরসিংহগী পোক্নফম ওইরিবা সগোলবন্দ মবুধৌ মন্ত্রি লৈকাইদা পাঙথোকখ্রে।
থৌরম অদু মৈরা চুখৎতুনা অমদি হৈ লৈ কৎতুনা হৌদোকখি। লোয়ননা জলকেল্লি পালাসু থৌগনখি। মহারাজ নরসিংহ মেমোরিয়েল কম্মিটি, য়াইস্কুলগী জেনারেল সেক্রেটারি আরকে প্রিয়কুমারনা থৌরম অদুগা মরী লৈননা ফোংদোকখিবদা মহারাজ নরসিংহ গী বার্থ এন্নিবসরি থৌরম অসি চহী খুদিংগী লেপ্তনা পাঙথোক্তুনা লাকপনি।
অদুবু কোবিদনা মরম ওইরগা চহী অনিদি পাঙথোকখিদ্রে। হৌজিকসু ইরমদম অসিদা অৱা তারিবা ওইবনা থৌরম অসি হৈ লৈ কৎলগা ইচম চম্না পাঙথোকপনি। মহারাজ নরসিংহ অমদি গম্ভীর সিংহনা অৱাশিং তান্থোক্লমদ্রগদি ঙসিগী মীরোল অসি লৈরমদবা য়াই। ঐখোয়গী ইপা ইপুশিংগী থৌনা, মমা লৈবাকপু নুংশিবীবা অসি চীংথবগী লোইবা নাইরোই হায়খি।
অমরোমদা মহারাজ নরসিংহনা ১৮৪৫ তা জলকেলি পালা অসি লিংখৎলম্বনি। জলকেলি পালা অসি অমনা মৌ পালা অমনা নিঙোল পালা হায়না অনি শুই। জলকেলি পালা অসি মায়মগা মান্নদনা অমখক লৈ। অতৈগী পালাশিংদদি পুঙ য়ৈবা অনিগা পালাগী ঈশৈ শকপনি। অদুবু মহারাজ নরসিংহনা হৌদোক্লম্বা জলকেলি পালা অসিদদি ঈশৈগী ওজা অমা য়াওগনি।
সোর্স: সঙাই এক্সপ্রেস
0 কমেন্ট:
কমেন্ট তৌবিয়ু