শক্নাইরবা আর্তিস্ত বাঁসি খোংবা তেকচম গম্ভির সিংহ লৈখিদ্রে
ইম্ফাল, জানুয়ারি ২৫ : লমদমসিগী মীয়াম্না গম্ভির বাঁসি হায়না শকখঙনরবা শক্নাইরবা বাঁসি খোংবা, কিবোর্দ খোংবা, ম্যুজিক দিরেক্তর, ওল ইন্দিয়া রেদিও ইম্ফালগী স্তাফ আর্তিস্ত অমসুং রুপ রাগগী আর্তিস্ত তেকচম গম্ভির সিংহ, ক্বাকৈথেল অখাম লৈকায়, ঙানু লম্পাক থা অসিগী ২৩গী নুমিদাং পূং ৮ তাবদা লৈখিদ্রে হায়রি।
গম্ভির বাঁসিনা মনুং মতম চাদনা খঙহৌদনা লৈখিদবদা অপূনবা মণিপুর মতম ঈশৈ কাঙলূপ (অম্মিক) না থম্মোয় শোক্না নুংঙাইতবা ফোঙদোরক্লি।
আর্তিস্তশিং অসিনা হিংলিঙৈদা মণিপুরগী কাওঙমদ্রবা মতম পূম্নমক্তা হিংদুনা লৈহৌরগদবা ঈশৈ কয়া কম্পোজ তৌরম্মী। আর্তিস্ত অসিনা লৈখিদবা অসিনা মতম ঈশৈগী লমদা মেনশিনবা ঙম্লরোইদবা অচৌবা মাংজবা অমা লৈহৌরগনি। লৈখিদ্রবগী ইমুং মনুংগী অৱাবদা অম্মিক্কী আর্তিস্তশিংনা শরুক য়ারি হায়রি।
সোর্স: পোক্নফম
0 কমেন্ট:
কমেন্ট তৌবিয়ু