আপডেট:
image

লিন্থোই চনম্বম য়াওনা এৱার্দ ফংলবা অঙাংশিংগা পি এমগা ৱারী শানখ্রে

নিউ দিল্লী, জানুয়ারি ২৪ : প্রাইম মিনিস্তর নরেন্দ্র মোদিনা ঙসি মহাক্কী য়ূমদা পাঙথোকপা থৌরম অমদা প্রধান মন্ত্রি রাস্ত্রিয়া বাল পুরস্কার এৱার্দ ফংলবা মণিপুরগী জুদোকা লিন্থোই চনম্বম য়াওনা অঙাং ১৮ গা ৱারী শানখ্রে।

দিল্লীগী লোক কলয়্যান মার্গতা লৈবা মহাক্কী য়ূমদা পাঙথোকখিবা থৌরম অদুদা পি এমনা এৱার্দ ফংলবা অঙাংশিংদা সোভিনীর অমমম খূদোল তমখি। লোয়ননা অঙাংশিং অদুনা পাঙথোকখিবা অমদি মিংচৎ পুরকখিবা তোঙান-তোঙানবা হীরমশিংগী মতাঙদা ৱারী শান্নখি।

থৌনা ফবা থবক আর্ত এন্দ কালচার, স্পোর্তস অমদি অহৈ হীরমশিংদা থোইদোক হেন্দোকপা মিংচৎ পুরকপগদিমক এৱার্দ পীদুনা ইকায়খুম্নখ্রবা অঙাংশিং অদুগী মায়কৈদগী প্রাইম মিনিস্তরগী মফমদা তোঙান-তোঙানবা ৱাহং কয়া হংখি। মদুদা পি এমনা মহাক মখল অয়াম্বা ম্যুজিক পাম্মী। মরমদি, মদুনা মহাকপু মেদিতেসন তৌবদা মতেঙ পাংই হায়খি।

ঙরাং হৌদোকখিবা প্রধান মন্ত্রি সুরয়োদয়া য়োজনাগী মতাঙদা হংবা ৱাহং অমদা পি এমনা, মহাক্না গুজারাতগী চীফ মিনিস্তর ওইরিঙৈদা সোলর ইনার্জিগী থবক চাওখৎহন্নবা হোৎনখিবশিং অদু অঙাংশিংদা নীংশিংলদুনা ৱারী লীখি। স্কিম অসিনা লৈবাক অসিগী মীয়ামগী চাওনা কান্নবা পীরগনি হায়বা ৱাফমশু মহাক্না থমখি।

পনবা য়াবদি, ভারত সরকারনা তোঙান-তোঙানবা কেতেগোরি ৭ তা থোইদোক হেন্দোকপা মিংচৎ পুরকপগীদমক এৱার্দ পীদুনা ইকায়খুম্নখিবনি। হায়রিবা এৱার্দ ফংলবা অঙাং ১৯ অদুগী মনুংদা অমদি লৈখিদ্রবা মতুংদা ফংবনি। এৱার্দ অসিদা মেদল অমা, সার্তিফিকেত অমা অমসুং সাইতেসন বুকলেত অমমম য়াওরি।

সোর্স: পোক্নফম

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: