বিশ্বামিত্রগী ‘ইৱাই’ ইন্টারনেশনেল কম্পিটিসন্দা শরুক য়ারগনি
ইম্ফাল, আগস্ট ১৭ : খ্বাইরকপম বিশ্বামিত্রগী সোর্ট নেরেটিব ‘ইৱাই’ মরিশুবা নেপাল কালচারেল ইন্টারনেশনেল ফিল্ম ফেষ্টিভেল ২০২২দা শরুক য়ানবগীদমক খল্লক্লে হায়না ফিল্ম সোসাইটি ওফ মণিপুরগী প্রেসিদেন্ট মেঘচন্দ্র কোংবম্না থাদোরকপা চেরোল অমনা হায়রি।
চেরোল অদুনা মখা তারদুনা ইৱাই হায়রিবা সোর্ট ফিল্ম অসি বেষ্ট ইন্টারনেশনেল সোর্ট ফিল্ম এৱার্দকিদমক মপাল লৈবাক্কি ফিল্ম ২১ অমদি ইন্দিয়াগী ফিল্ম অহুমগা চাংদম্ননবা অফিসিয়েল ওইনা খল্লকখিবনি। ফেষ্টিভেল অসিদা শরুক য়াগদৌরিবা ফিল্মশিং অসিদা বেলজিয়াম, কম্বোদিয়া, জার্মানি, পোলেন্দ, নেপাল, য়ু এসএ, ইরান, সাউথ আফ্রিকা, লেবানন, কেমেরুন, আর্মেনিয়া, সুদান, চিনা, জাপান, তুর্কি, কানাডাচিংবা লৈবাকশিংগী ফিল্ম অমমম অমসুং ইন্দিয়াগী ফিল্ম ৪ য়াওরি।
বিশ্বামিত্রগী মিনিৎ ২৩ শাংবা ফিল্ম অসিনা পিক্লিবা মচা মতম চাদনা লৈখিদ্রবা মমা অমগী অৱাবা মৈচাক অদু ফোঙদোক্লি। মণিপুরগী মীতৈ ফুরুপকি ওইনা চহি অহুম য়ৌদ্রিঙৈদা লৈখিদ্রবা অঙাং অমবু ইমুং অদুগী ফত্তবা খুদম অমা ওইনা লৌনৈ। লোয়ননা কষ্টমরি পোষ্ট মোর্তেল সের্মোনি খুদিংমক পাঙথোকহন্দে অদুবু মমা অমগী ওইনদি চহিগী খল্লুবা তৌদনা মহাক্কি মচা অদু মতম খুদিংমক্কি ওইনা মহাক্কি মচা ওইনা অদুমক লৈ। ফিল্ম অসিনা মমাগী অমগী সপ্রের্স ইমোসন অমদি ফিলিংশিং অদু উত্থোক্লি।
ফিল্ম অসি রেবিকা ওক্রম্না ইবগা লোয়ননা নোংদোন মমোকোলগী বেন্নর মখাদা সমির থিংবাইজম্না পুথোকপনি। লোয়ননা খ্বাইরাকপম বিশ্বামিত্রগী ফিল্ম অসিগী স্ক্রিন রাইটার অমদি দিরেক্টর ওইরি। ফিল্ম অসিদা নেশনেল এৱার্দ উইন্নিং এক্ট্রেস তোন্থোইনা মরু ওইবা শক্তম লাংলি।
সোর্স: পান্দম
0 কমেন্ট:
কমেন্ট তৌবিয়ু