আপডেট:
image

নিলিমা সিনহা নীংশিং মনা ক্ষেত্রি বিরদা পীরগনি

সিলেট, আগস্ট ১৭ : বাংলাদেশ মণিপুর সাহিত্য সংসদ (বামসাস) না চহী খূদিংগী ওইনা মণিপুরী লিটরেচার অমসুং কালচারগী লমদা থইদোক্না শক্নাইরবা মীশক অমদা পীবা নিলিমা সিনহা নীংশিং মনা ২০২২ মণিপুরগী শক্নাইরবা অইবা সাহিত্য একাদেমী এৱার্দী ক্ষেত্রি বিরদা পীরগনি হায়না লাউথোকখ্রে।

বাংলাদেশ মণিপুরী সাহিত্য সংসদ (বামসাস) কী প্রেসিদেন্ট এ কে শেরামগী চেরোল অমনা ফোঙদোরকখিবদা, কুমজা ২০১৭ তগী হৌদুন চহী ২/২ লৈরগা পীদুনা লাক্লিবা নিলিমা সিনহা নীংশিং মনা অসি চহী অসিগী ওইনা শক্নাইরবা অইবা ককচিং সুমাক লৈকায়দা লৈবা অইবা ক্ষেত্রি বিরদা মহাক্না মণিপুরী খোরিরোলগীদমক কত্থোকপা অমগা লোয়ননা হোৎনদুনা লাকখিবা কয়া অমদি মণিপুরী খোররোলবু মাঙজিল থানা চৎপা ঙম্নবা লোয়ননা মালেমদা শক্তাক্নবগী লৌখিবা থৌদাংশিং অদুবু মশক খঙবা ওইনা মনা অসি পীনবা লাউথোকপনি হায়রি।

চেরোল অদুনা মখা তারদুনা হায়, নিলিমা সিনহা নীংশিং মনা অসি চহী অসিগী লাক্লিবা নভেম্বর ৪দা বাংলাদেশকী সিলেটতা পাঙথোক্কদবা বাংলাদেশ মণিপুরী সাহিত্য সংসদকী ইন্টারনেসনেল মণিপুরী লিটরেরি কনফারেন্সতা লান্থোক্কনি। মনা অসিদা শকখঙ চে অমা, ইন্নফি অমা, ক্রেস অমা অমসুং শেল ওইনা টাকা লিশিং ১০ (বাংলাদেশ কারেন্সি) য়াওগনি। লোয়ননা মীওই অনীগী হঙ্গৎ-হন্দা চৎপগী অচঙবা শেনফমসু বাংলাদেশ মণিপুরী সাহিত্য সংসদনা পীগনি হায়নসু চেরোলদুনা মখা তানা ফোঙদোরক্লি।

 

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু