‘মাইবম নবকিশোরগী অপুনবা ৱারীমচাশিং’ হায়না মিংথোনবা লাইরিক ফোঙখ্রে
ইম্ফাল, জুন ৩০ : সাহিত্য একাদেমী এৱার্দি ‘মাইবম নবকিশোরগী অপূনবা ৱারীমচাশিং’ হায়না মিংথোনবা লাইরিক অমা ঙসি মণিপুর প্রেস ক্লবকী লোক্তাক হোলদা ফোঙখ্রে।
য়াইবীরেন কম্যুনিকেসন্স অমদি ঈরমদম খোর্জৈ অপূনবা লুপ অনীনা শীন্দুনা পাঙথোকখিবা লাইরিক ফোঙবগী থৌরম অদুদা মণিপুর সাহিত্য পরিষদগী প্রেসিদেন্ত ওইরম্বা প্রোঃ নোংমাইথেম তোম্বীনা চীফ গেস্ত, রূপমহলগী দিরেক্তর লাইতোংবম ব্রজমোহন্না প্রেসিদেন্ত অমদি সাহিত্য একাদেমী এৱার্দি য়ূম্লেম্বম ইবোমচা, মণিপুর য়ুনিভার্সিতিগী স্কুল ওব হ্যুমেনিতিজগী দিন ওইরম্বী প্রোঃ নহাকপম অরুনা, সাহিত্য একাদেমী এৱার্দি ক্ষেত্রি বীর অমসুং সাহিত্য একাদেমী এৱার্দি মখোনমনি মোংশাবনা গেস্ত ওব ওনরশিং ওইনা শরুক য়াখি।
পনবা য়াবদি, ঙসি ফোঙখিবা মাইবম নবকিশোরনা ইবা মহাক্কী ৱারীমচাশিংগী খোমজিনবা ‘মাইবম নবকিশোরগী অপূনবা ৱারীমচাশিং’ হায়রিবা লাইরিক অসি অইবা অসিগী মচানুপী অহুম মথংশীৎনা মাইবম প্রেমিলা, মাইবম চাওবা অমসুং মাইবম গান্ধীনিনা এদিত অমদি কম্পাইলদ তৌবনি।
সোর্স: পোক্নফম
0 কমেন্ট:
কমেন্ট তৌবিয়ু